Մխիթարյան. Եթե խոսքը գումարի մասին լիներ, ես «Շախտյորից» ոչ թե «Բորուսիա», այլ «Անժի» կտեղափոխվեի

ԵՐԵՎԱՆ, 8 փետրվարի. /Նովոստի–Արմենիա/. «Մանչեսթեր Յունայթեդի» կիսապաշտպան Հենրիխ Մխիթարյանը Դորտմունդի «Բորուսիայի» երկրպագուներին վստահեցրել է, որ գումարով չի առաջնորդվել այլ ակումբ տեղափոխվելիս։

«Ես չգիտեմ, թե ինչն եմ սխալ արել: Եթե խոսքը գումարի մասին լիներ, ես «Շախտյորից» ոչ թե «Բորուսիա», այլ «Անժի» կտեղափոխվեի: Սակայն դա ինձ պետք չէ»,– ասել է Մխիթարյանը, ավելացնելով, որ ցանկանում է հետագային նայել, Հայաստանի հավաքականի ավագի խոսքն է մեջբերել «Bild Sport»-ը, գրում է armsport.am–ը։

Նախորդ մրցաշրջանի վերջին հայ ֆուտբոլիստը չի երկարացրել գերմանական ակումբի հետ պայմանագիրը՝ նախընտրելով տեղափոխվել «Մանչեսթեր Յունայթեդ»։ -0-