Մոուրինյու. Մխիթարյանն ամենից քիչն է վաստակել թիմում խաղալու իրավունք

ԵՐԵՎԱՆ, 14 դեկտեմբերի. /Նովոստի–Արմենիա/. «Մանչեսթեր Յունայթեդի» գլխավոր մարզիչ Ժոզե Մոուրինյուն բացատրել է, թե ինչու թիմի կազմում չի ներառում կիսապաշտպան Հենրիխ Մխիթարյանին։

Այս մասին հաղորդում է ակումբի պաշտոնական կայքը։

Մխիթարյանն այս խաղաշրջանում «ՄՅՈւ»–ի կազմում անցկացրել է 17 հանդիպում` դառնալով 2 գոլի և 5 գոլային փոխանցման հեղինակ։


Պատասխանելով Մխիթարյանի բացակայության մասին հարցին` Մոուրինյուն նշել է, որ նա կիսապաշտպանների ու հարձակվողների մեծ ընտրություն ունի։ Իսկ դա նշանակում է, որ նրանք պետք է մրցակցեն ամեն դիրքի համար։

«Պահեստայինների նստարանին կարող է լինել վեց ֆուտբոլիստ։ Փորձում եմ հավասարակշռություն պահպանել. ունեմ երկու պաշտպան և Դեյլի Բլինդին, ով է կարող է խաղալ տարբեր դիրքերից։ Կա նաև Էշլի Յանգը, ով պաշտպանում է երկու կողմերը», – ասել է Մոուրինյուն։

Նրա խոսքով, թիմում կան նաև կիսապաշտպան Անդեր Էրերան, հարձակվող Զլատան Իբրահիմովիչը և երկրորդ հարձակվող Մարկուս Ռաշֆորդը։ Խաղում են նաև Անտոնի Մարսիյալը, Խուան Մատան և Ջեսի Լինգարդը։

«Միկիի խաղի դեպքում ես պետք է հրաժարվեմ նրանցից մեկից։ Իմ կարծիքով, այսօր մյուսներն ավելի շատ են արժանի դաշտ դուրս գալ»,– նշել է Մոուրինյուն։–0–