Զինծառայությունից վերադարձած մանկատան նախկին սանը դրսում է գիշերում․ նախարարությունը պարզաբանում է (ՖՈՏՈ)

USD

384.46

EUR

453.47

RUB

4.8889

GEL

141.43

Եղանակը Երևանում

+21

Հասարակություն

31.08.2020, 18:18

«Ապրել եմ մանկատանը, գնացել եմ ծառայել-եկել եմ, հայտնվել եմ դրսում»․ ՀՀ աշխատանքի և սոցիալական հարցերի նախարարությունը պարզաբանել է սոցցանցերում բազմաթիվ օգտատերերի կողմից տարածված գրառումը. ՖՈՏՈ

Զինծառայությունից վերադարձած մանկատան նախկին սանը դրսում է գիշերում․ նախարարությունը պարզաբանում է (ՖՈՏՈ) — Լուսանկար՝ www.facebook.com/ZonaPositive/

ԵՐԵՎԱՆ, 31 օգոստոսի․ /Նովոստի-Արմենիա/․ ՀՀ աշխատանքի և սոցիալական հարցերի նախարարությունը պարզաբանել է սոցցանցերում բազմաթիվ օգտատերերի կողմից տարածված գրառումը։

Օրերես Facebook-յան օգտատերերը տարածում էին մի լուսանկար, որում երիտասարդը պառկած է գոտնին և փող է մուրում։ Նրա կողքին դրված ստվարաթղթի վրա գրված է․ «․․․Ապրել եմ մանկատանը, գնացել եմ ծառայել-եկել եմ, հայտնվել եմ դրսում․․․»

ՀՀ աշխատանքի և սոցիալական հարցերի նախարարությունը նշել է, որ քաղաքացին՝ որպես մանկատան շրջանավարտ, Աշխատանքի և սոցիալական հարցերի նախարարության կողմից 09.03.2020 թ.-ին ստացել է բնակարանի գնման վկայագիր:

18.08.2020 թ.-ին քաղաքացին ևս մեկ անգամ դիմել է նախարարություն՝ նշելով, որ կորցրել է փաստաթղթերը, և խնդրել իրեն տրամադրել ԲԳՎ-ի կրկնօրինակը:

Загружается новость ... "Право"

Ըստ նախարարության՝ մինչ այդ քաղաքացուն առաջարկվել է բնակտարածք՝ Թբիլիսյան խճուղում գտնվող սոցիալական բնակարանային ֆոնդ հանդիսացող բնակարաններում, ինչից քաղաքացին հրաժարվել է:

Քաղաքացուն առաջարկվել է նաև աշխատանք, քաղաքացին դրանից ևս հրաժարվել է:

«Քաղաքացուն՝ ԲԳՎ կրկնօրինակի տրամադրման գործընթացը՝ սահմանված կարգով, իրականացվում է: Օրերս նրան կտրամադրվի փաստաթղթի կրկնօրինակը»,- ասվում է հաղորդագրության մեջ:-0-