Փաթեթավորված սև թեյի մեջ աղիքային ցուպիկ է հայտնաբերվել

ԵՐԵՎԱՆ, 4 հունիսի. /Նովոստի–Արմենիա/. Ռոսկաչեստվոն փաթեթավորված սև թեյի 35 ստուգված ապրանքանիշերից 11–ում աղիքային ցուպիկ է հայտնաբերել, հայտնում է ՏԱՍՍ–ը։

Բացի այդ, այս բակտերիաները հայտնաբերվել է սև թերթիկավոր թեյի ստուգված ապրանքանիշերից մեկում։ Ռոսկաչեստվոյի ստուգումը ցույց է տվել, որ փաթեթավորված սև թեյում բորբոսի մասնաբաժինը երեք անգամ գերազանցել է օրենսդրորեն սահմանված նորմը, մյուսում` չորս անգամ։ Ինչպես նշում են փորձագետները, խախտման երկու տեսակների վրակարող էին ազդել և հումքի որակը, և թեյի պահպանման պայմանների խախտումը։

Ստուգման ընթացքում Ռոսկաչեստվոյի փորձագետները հետազոտել են ռուսական շուկայում տարածված 35 ապրանքանիշերի թերթիկավոր և փաթեթավորված 48 թեյեր ըստ որակի և անվտանգության 178 ցուցանիշների։

Հետազոտության արդյունքներով, փորձագետները լուրջ խախտումներ չեն հայտնաբերել` ոչ կեղծումներ, ոչ օտարածին խառնուրդներ ոչ մի թեյում չի եղել։

Նախագծի ընթացքում Ռոսկաչեստվոյի փորձագետները փորձ են կատարել` համեմատելով նույն ապրանքանիշերի թերթիկավոր և փաթեթավորված թեյի որակը։

Փորձագետների ուշադրությունը կենտրոնացած է եղել պեստիցիդների, բորբոսի և մակնշման հավաստիության վրա։ Փորձի արդյունքներով, թերթիկավոր թեյի որակը գերազանցել է 13–ից 10 դեպքերում։ Թերթիկավոր թեյն ավելի պակաս պեստիցիդներ է պարունակել, քան նույն ապրանքանիշի փաթեթավորված թեյը, բացակայել են աղիքային ցուպիկի և բորբոսի հետքերը։ -0-