Խաղաղության համբույր. Հռոմի Պապը ծնկել է Հարավային Սուդանի հյուրերի ոտքերի առջև (ՖՈՏՈ)

ԵՐԵՎԱՆ, 12 ապրիլի. /Նովոստի–Արմենիա/. Հռոմի Ֆրանցիսկոս պապը Հարավային Սուդանի առաջնորդների հետ հանդիպմանը ծնկել է նրանց առջև, գրում է euronews–ը։

«Մեզ` քաղաքական և կրոնական առաջնորդներիս, Աստված պատվիրել է լինել իր ժողովրդի ուղեցույցները, և հենց այդ պատճառով մեզանից ավելի է պահանջվում։ Հետո մեզանից հարցնելու են, թե որքան ենք ջանք արել հանուն ժողովրդի և խաղաղության։ Մնացեք խաղաղությամբ»,– ասել է Պապը, ինչից հետո համբուրել է Հարավային Սուդանի հյուրերի ոտքերը` չափազանց զարմացնելով նրանց այդ արարքով։

Pope Francis kisses the feet of South Sudan's President Salva Kiir Mayardit, Opposition Leader and former First Vice President, Riek Machar and other opposition leaders, while begging them to not return to war, and end the crisis fully. This was a peace retreat at the Vatican. pic.twitter.com/RHFffkURGS

— Africa Facts Zone (@AfricaFactsZone) April 12, 2019

Վատիկանում «հոգևոր հանդիպման» համար Հռոմեակաթոլիկ եկեղեցու առաջնորդի հրավերով հավաքվել են Հարավային Սուդանի նախագահ Սալվա Կիիրը և հինգ փոխնախագահներից չորսը, որոնց թվում` ընդդիմության նախկին առաջնորդ Ռիեկ Մաշար Տենին, ինչպես նաև հոգևորականներ։

Ավելի վաղ Սուրբ գահի մամուլի ծառայությունից նշել են, որ այս հանդիպման նախաձեռնությունը պատկանում է Քենթերբերիի Ջասթին Ուելբի արքեպիսկոպոսին, և դրան կողմ է հանդես եկել Ֆրանցիսկ Պապը։ Հատկանշական է, որ պոնտիֆիկոսը լրջորեն դիտարկում էր Հարավային Սուդան մեկնելու հնարավորությունը և մտադիր էր դա իրականացնել հենց անգլիկան արքեպիսկոպոսի հետ։ Ճիշտ է, ավելի ուշ այդ ճամփորդության գաղափարից հրաժարվել են, քանի որ «ժամը դեռ չի եկել»։ -0-