628.19
6.99
521.45
+18
Եղանակը Երևանում
Հայ

Թուրինջի 7 օգտակար հատկություններ, որոնց մասին անհրաժեշտ է իմանալ

12:35
10 Ապրիլի 2021

ԵՐԵՎԱՆ, 10 փետրվարի. /Նովոստի-Արմենիա/. Թուրինջը հայտնի է նիհարելու համար իր օգտակար հատկություններով, ուստի հաճախ այն ասոցացվում է հենց դիետաների հետ, որոնք օգնում են ազատվել ավելորդ քաշից:

Սննդարար նյութերի քանակը թուրինջում տպավորիչ է. 100 գրամում 42 կիլոկալորիա, 1 գր սպիտակուց, 31 մգր վիտամին C (օրական նորմայի 50 տոկոսը), 13 մկգ ֆոլաթթու, 135 մգր կալիում, 22 մգր կալցիում, 9 մգր մագնեզիում, 2 գր բջջանյութ, վիտամիններ B1 և B6: Բացի այդ, այն հարուստ է մի շարք հակաօքսիդանտներով: Գրեյպֆրուտի վարդագույն և կարմիր տեսակները պարունակում են նաև կարոտինոիդներ՝ լիկոպին և բետա-կարոտին:

Ահա թուրինջի ամենահայտնի օգտակար հատկություններից մի քանիսը.

Ավելորդ քաշի դեմ պայքարի օգնական

Սան Դիեգոյում Սկրիպսի հիվանդանոցում Բուժիչ սննդի հետազոտական կենտրոնի կեղմից (Nutrition and Medical Research Center at Scripps Clinic) անցկացված հետազոտությանը մասնակցել է 90 մարդ, որոնց բաժանել են երեք խմբի:

Առաջին խումբը օրը երեք անգամ սնունդ ընդունելուց առաջ ուտում էր կես թուրինջ: Երկրորդ խումբը օրը երեք անգամ սնունդից առաջ խմում էր թուրինջի հյութ: Երրորդ խումբը թուրինջ չէր ուտում:

Որևէ այլ փոփոխություն նրանց սննդակարգում չի արվել: Արդյունքները ցույց են տվել, որ առաջին երկու խմբերի անդամները 12 շաբաթվա մեջ նիհարել են միջինը 1,5 կգ-ով, մինչդեռ երրորդ խմբում մասնակիցների քաշը մնացել է անփոփոխ: Բացի այդ, գիտնականները առաջին երկու խմբերի անդամների մոտ արձանագրել են արյան մեջ ինսուլինի ավելի ցածր մակարդակ, ինչը կապված է քաշի ինտենսիվ նվազման հետ:

Ինսուլինի հանդեպ դիմադրողականություն

Թուրինջը պարունակում է այնպիսի հակաօքսիդանտներ, ինչպիսին է նարինգենինը, որոնք բարելավում են ինսուլինի հանդեպ զգայողականությունը և օգնում առողջ քաշ պահպանել: Գիտնականները պարզել են, որ նարինգենինը խթանում է ճարպի այրումը՝ կուտակելու փոխարեն: Բացի այդ, հաստատվել է, էր թուրինջն օգնում է նվազեցնել արյան մեջ ինսուլինի քանակը նույնքան արդյունավետ, որքան մետֆորմինը:

Ախորժակի ճնշում

Երբ ինսուլինի հանդեպ զգայունությունը բարձր է, և օրգանիզմը վերահսկում է արյան մեջ շաքարի մակարդակը, բջիջները դառնում են ավելի զգայուն սնունդից ստացվող նյութերի հանդեպ: Այդ ամենի շնորհիվ՝ այն ամենը, ինչ մենք ուտում ենք, առավել արդյունավետ է այրվում, ինչը նպաստում է առողջ ախորժակին:

Загружается новость ... "Лево"

Խոլեստերինի մակարդակի կարգավորում

Թուրինջում առկա պեկտինի լուծվող մանրաթելերի շնորհիվ՝ այս միրգը դուրս է բերում խոլեստերինն աղիներով: Երուսաղեմի հրեական համալսարանում (Hebrew University in Jerusalem) անցկացված հետազոտությունը ցույց է տվել, որ կարմիր թուրինջն ամեն օր 30 օրվա ընթացքում նվազեցնում է ցածր խտության ճարպապրոտեինային խոլեստերինը 20,3 տոկոսով և եռագլիցերիդները՝ 17,2 տոկոսով: Իսկ դեղին թուրինջը նույն ռեժիմով նվազեցնում է ՑԽՃՊ-ն 10,7 տոկոսով և եռագլիցերիդները՝ 5,6 տոկոսով:

Սիրտ-անոթային հիվանդություններ

Հակաօքսիդանտների և կալիումի շնորհիվ՝ թուրինջն պահպանում է անոթային անցանելիությունը, կարգավորում է արյան մեջ շաքարի մակարդայը, խթանում է քաշի նվազեցումը, ինչպես նաև նվազեցնում է ՑԽՃՊ խոլեստերինի և եռագլիցերիդների մակարդակը: Այս ամենը պաշտպանում է սիրտը:

Փորկապություն

Թուրինջի թթվայնությունն օգնում է լեղիի արտադրմանը, ինչը բջջանյութի հետ միասին բարելավում է մարսողական գործընթացները:

Իմունային համակարգի պահպանում

C վիտամինի և այլ հակաօքսիդանտների նշանակալի պարունակության շնորհիվ՝ այս միրգն օգնում է իմունային համակարգին ինֆեկցիաների դեմ պայքարում: Բացի այդ, այն ունի հակաքաղցկեղային հատկություններ, նվազեցնում է երիկամներում և լյարդում քարերի ձևավորման ռիսկը և արդյունավետ է հեպատիտ C-ի կանխարգելման համար:

Դեղորայքը և թուրինջը

«Կանադայի բժշկական միության» ամսագրի (Canadian Medical Association Journal) հոդվածում նշվում է ավելի քան 85 դեղորայք, որոնք կարող են փոխազդել թուրինջի հետ, ընդ որում, նման փոխազդեցության 43 դեպքում առկա են լուրջ հետևանքներ: Ուստի դեղորայք ընդունելու դեպքում, մինչ թուրինջը սննդակարգի մեջ ներառելը, պետք է խորհրդակցել բժիշկի հետ:–0–
Partners News
Թեմատիկ նյութեր
ԱՌԿԱ գործակալություն
Բաժնի այլ նյութեր
12:08
06 Մայիսի 2021
Զախարովան լուսանկար է հրապարակել Երևանի սրճարաններից մեկից (ՖՈՏՈ)
Զախարովան լուսանկար է հրապարակել Երևանի սրճարաններից մեկից.ՖՈՏՈ
13:38
05 Մայիսի 2021
3 սերունդ. Լոպեսը մոր և դստեր հետ հետաքրքիր լուսանկար է հրապարակել (ՖՈՏՈ)
3 սերունդ. Լոպեսը մոր և դստեր հետ հետաքրքիր լուսանկար է հրապարակել.ՖՈՏՈ
14:34
30 Ապրիլի 2021
Բանանը չի գիրացնում. ինչպես և երբ պետք է ուտել միրգը
Բանանը չի գիրացնում. ինչպես և երբ պետք է ուտել միրգը
18:17
28 Ապրիլի 2021
Հորոսկոպի 5 նշան, որոնց ներկայացուցիչները հազվադեպ են հիվանդանում
Որոնք են հորոսկոպի 5 նշանները, որոնց ներկայացուցիչները հազվադեպ են հիվանդանում
17:25
28 Ապրիլի 2021
Երիտասարդանալու ժամանակն է. պիլինգ տան պայմաններում
Երիտասարդանալու ժամանակն է. պիլինգ տան պայմաններում
16:30
28 Ապրիլի 2021
Հայտնի են ատամների էմալի համար ամենավնասակար ըմպելիքները
Գիտնականները բացահայտել են ատամների էմալի համար ամենավնասակար ըմպելիքները
15:25
28 Ապրիլի 2021
Քիմ Քարդաշյանի մոտ, կարծես, նոր սիրավեպ է. նա դեռ պաշտոնապես չի բաժանվել Քանյեի հետ
Քիմ Քարդաշյանի մոտ, կարծես, նոր սիրավեպ է. նա դեռ պաշտոնապես չի բաժանվել Քանյեի հետ
13:35
28 Ապրիլի 2021
Մազերի աճն արագացնող 6 մթերք
Ներկայացնում ենք մազերի աճն արագացնող 6 մթերք
13:51
27 Ապրիլի 2021
Ազատվում ենք ավելորդ կիլոգրամներից. 3 արդյունավետ բեռնաթափման միջոց
Ներկայացնում ենք 3 արդյունավետ բեռնաթափման օրեր, որոնց միջոցով կարելի է հեշտությամբ ազատվել ավելորդ կիլոգրամներից
21:35
26 Ապրիլի 2021
Սուրճ և թեյ հղիության ժամանակ. խմե՞լ, թե՞ չխմել
Սուրճ և թեյ հղիության ժամանակ. խմե՞լ, թե՞ չխմել
20:25
26 Ապրիլի 2021
Հայտնի է ստամոքսը «սպանող» տարածված սովորությունը
Հայտնի է ստամոքսը «սպանող» տարածված սովորությունը
19:17
26 Ապրիլի 2021
Աշխարհի 15 ամենաօգտակար մթերքները
Ներկայացնում ենք աշխարհի 15 ամենաօգտակար մթերքները