435.71
4.38
404.37
+2
Եղանակը Երևանում
Հայ

2021թ.–ին ամուսնացած 9 հայ հայտնիները (ՖՈՏՈ)

14:15
13 Հունվարի 2022

ԵՐԵՎԱՆ, 13 հունվարի./Նովոստի–Արմենիա/. Գաղտնիք չէ, որ հայ աստղերը մշտապես գտնվում են հանրության ուշադրության կենտրոնում: Նրանք միշտ ներկայացնում են նորություններ իրենց գործունեության մասին: Սակայն ի տարբերություն արտասահմանյան աստղերի, հայկական շոու բիզնեսի ներկայացուցիչների անձնական կյանքն այդքան էլ բաց չէ:

Ներկայացնում ենք 2021թ.-ին ամուսնացած հայ աստղերին, ովքեր արդեն գտել են իրենց կյանքի երկրորդ կեսին: 

Դերասանուհի, երգչուհի Քրիստինե Եղոյան    

Քրիստինե Եղոյանի ընտրյալը գործարար Սիմոն Խաչատրյանն է: Նա սովորել է թատերական ինստիտուտում և բնակվում է Մոսկվայում։ Զույգն ամուսնացել է 2021 թ.-ի մարտի 10-ին: Քրիստինեն ու իր ընտրյալը Աբովյանի Սուրբ Հովհաննես Մկրտիչ եկեղեցում պսակադրվելուց հետո հարսանեկան խնջույքը կազմակերպել է ռեստորանային համալիրներից մեկում։ Երեկոն վարել է երգիչ, հաղորդավար Սամվել Գրիգորյանը։ Հարսանեկան խնջույքին երգել են Նարե Գևորգյանը, Գևորգ Մարտիրոսյանը, Հայկ Դուրգարյանը, իսկ Արամեն իր «Ты лучшая» ռուսերեն երգը կատարել է տորթը կտրելու արարողության ժամանակ։ Ի դեպ, 2021թ.–ին լույս աշխարհ եկավ Քրիստինեի և Սիմոնի առաջնեկը։

Դերասանուհի Եվա Զոհրաբյան

Երիտասարդ, բայց արդեն մի քանի հեռուստասերիալներում նկարահանված Եվան ամուսնացել է 2021 թ.-ի նոյեմբերի 12-ին։ Դերասանուհին առավել հայնտի է դարձել «Ոսկե դպրոց» սիթքոմից։ Հարսի ավանդական սպիտակ շորը Եվան փոխարինել էր կաթնագույն ու շքեղ զգեստով։ Դերասանուհու սիրելին Գևորգն է։ Հարսանեկան արարողությունը տեղի է ունեցել Երևանում։ Հայտնի դերասանուհին ճիշտ է համարում անձնական տարբեր հանգամանքների մասին պարզապես լռել:

Երգչուհի Սոնա Ռուբենյան

Сона Рубенян

Նոյեմբերի 27-ին, երգչուհի Սոնա Ռուբենյանի և Էմիլ Դանիելյանի հարսանիքն էր: Արարողության առաջին լուսանկարներն ու տեսանյութերը Instagram-ի իրենց էջերում հրապարակել էին երգչուհու ընկերուհիները: Զույգը պսակադրվել է Զորավոր Սուրբ Աստվածածին եկեղեցում: Ամիսներ առաջ Էմիլը Սոնային անակնկալ էր մատուցել՝ կազմակերպելով իրենց նշանադրությունը: Էմիլը մարզիչ է, նախկինում զբաղվել է գեղասահքով, մայրը նույնպես առնչություն ունի գեղասահքի հետ: Սոնան և Էմիլը ծանոթացել են ֆիթնես ակուբներից մեկում, որտեղ Սոնան հաճախում էր որպես այցելու: Համացանցը ողողված էր Սոնայի ու նրա ընտրյալի երջանիկ լուսանկարներով, բայց օգտատերերի ուշադրությունից չէր վրիպել Սոնայի յուրօրինակ հարսանեկան զգեստը, որը մեծ քննարկումներ էր առաջացրել։

Երգիչ Սևակ Ամրոյան

Ժողովրդական երգիչ Սևակ Ամրոյանն ամուսնացել է 2021 թ.-ի դեկտեմբերի 8-ին: Ամրոյանի հարսնացուն մինչև վերջերս երկրպագուների համար անհայտ էր, միայն համացանցում հայտնված հարսանեկան նկարներից կարելի էր ենթադրել, թե ով է արտիստի ընտրյալը։ Սևակը երբեք չի uիրել խոսել իր անձնական կյանքի մասին: Նա միայն տարբեր հարցազրույցներում նշել է, որ սիրելի ունի, սակայն այլ մանրամասներ չի ներկայացրել: Նրա ընտրյալը Քրիստինեն է: Սակայն Քրիստինեի մասին այլ մանրամասներ հայտնի չեն: Զույգը միմյանց հավերժ սիրելու խոստում է տվել Նորք-Մարաշի Սուրբ Աստվածածին եկեղեցում։

Դերասանուհի Էլեն Սարգսյան

Ֆոտոմոդել, պարուհի, դերասանուհի Էլեն Սարգսյանը, ով լսարանին հայտնի դարձավ ռեժիսոր Մհեր Մկրտչյանի «Կյանք ու կռիվ» գեղարվեստական ֆիլմում խուլ ու համր Սոֆիի դերակատարմամբ, ամուսնացել է 2021 թ.-ի մարտի 21-ին: Նրա ընտրյալը Վահան Մարտիրոսյանն է: Դերասանուհին սիրելիի հետ ծանոթացել է աշխատավայրում։ Զույգը պսակադրվել է Մուղնու Սուրբ Գևորգ եկեղեցում: Ի դեպ, հենց այդ եկեղեցում էլ մկրտվել է դերասանուհին: Ավելի վաղ հարցազրույցներից մեկում Էլենը նշել էր, որ հայկական հարսանեկան ավանդույթները շատ է սիրում:

Դերասան Վահան Թովմասյան

Դերասան Վահան Թովմասյանը ամուսնացել է 2021 թ.-ի նոյեմբերի 5-ին։ Նրա եղբայրը՝ դերասան Վաչե Թովմասյանը, հրապարակել էր նորապսակների լուսանկարը և շնորհավորել եղբորն ամուսնության առթիվ։ Վահանի սիրելին՝ Ջուլիետտան մասնագիտությամբ դիմահարդար է, աշխատում է հեռուստանախագծերում։ Հենց աշխատանքի բերումով էլ նրանք ծանոթացել են։ Զույգի քավորի պարտականությունները ստանձնել էր դերասան Ռաֆայել Երանոսյանը: Զույգի հարսանիքին ներկա են եղել նաև հայտնիները՝ Գոռ Հակոբյանը՝ կնոջ՝ Հրուշի հետ, Գրիգն ու Սոնան, Լուիզա Ներսիսյանը և այլք։

Դերասանուհի Էլեն Ազնավուրյան

Элен Азнавурян

Լուսանկարը` Էլեն Ազնավուրյանի Instagram–ից

Դերասանուհի Էլեն Ազնավուրյանն ու ընտրյալը՝ Բորիս Մկրտչյանը, ամուսնացել են հունիսի 26-ին։ Զույգը պսակադրվել է Նորքի Սուրբ Աստվածածին եկեղեցում, իսկ հետո խնջույքը շարունակել ռեստորաններից մեկում։ Էլենը իր ու ամուսնու մայրիկների համար երգել է Գոռ Եփրեմյանի և Սարգիս Ավետիսյանի «Մամ» ստեղծագործությունը, իսկ հետո ծաղիկներ նվիրել նրանց։ Նշենք, որ Էլենն ու Բորիսը նշանադրվել էին Ամանորի գիշերը։ Շուրջ 2 տարի ընկերություն անելուց հետո սիրելին անակնկալ էր մատուցել դերասանուհուն։ Նրանք կրկին նշանադրվել էին Սուրբ Աստվածածին եկեղեցում, որտեղ էլ և նախընտրել են պսակադրվել։

Երգչուհի, հաղորդավարուհի Մարի Ավանեսյան

Мари Аванесян

Լուսանկարը` Մարի Ավանեսյանի Instagram–ից

Երգչուհի, հաղորդավարուհի Մարի Ավանեսյանն ամուսնացել է սեպտեմբերի 1-ին: Իր ընտրյալը Վահեն է: Զույգը պսակադրվել է Օձունի տաճարում: Մարիի հարսանեկան օրվա կադրերով Instagram-ի իրենց էջերում կիսվել են նրա ընկերները՝ երգիչներ Անուշիկ Ալավերդյանն ու Ռոբերտ Քոլոյանը և ռեժիսոր Արթուր Մանուկյանը: Ավելի վաղ Մարին Instagram-ի էջում տեղեկացրել էր, որ իր հարսանեկան պարը վստահել է «Ամարաս» համույթի ղեկավար, պարուհի Վիկա Մարտիրոսյանին: 

Նշենք նաև, որ Մարին հեռուստատեսությունում դեռ վաղ տարիքից է: Մանկության տարիներին նա հայտնի էր «Հապետ շոու»-ում իր հեքիաթներով, ավելի ուշ նրան հեռուստադիտողը բացահայտեց նաև՝ որպես երգչուհի: Նրա հայտնի հիթերից է «Դառը սև սուրճը»:

Երգիչ Գրիգոր Կյոկչյան

Григор Кекчян

Լուսանկարը` Գրիգոր Կյոկչյանի Instagram–ից

Երգիչ, երգահան Գրիգոր Կյոկչյանն ամուսնացել է ապրիլի 10-ին: Երգչի ընտրյալն Իրինա Հարությունյանն է։ Զույգի պսակադրության արաողությունը տեղի է ունեցել Երևանի Սուրբ Զորավոր Աստվածածին եկեղեցում, որին ներկա են եղել երգիչ Էրիկը, Սարգիս Գրիգորյանը և այլք։–0–

Ծանոթացեք լուրերին առաջինն ու քննարկեք դրանք մեր Telegram-յան ալիքում

Թեմատիկ նյութեր
ԱՌԿԱ գործակալություն
Բաժնի այլ նյութեր
14:26
15 Փետրվարի 2024
Բացահայտվել է ցավազրկողների գլխավոր վտանգը
Գիտնականները բացահայտել են ցավազրկողների գլխավոր վտանգը
12:01
14 Փետրվարի 2024
«Ջերմուկ» հանքային ջրի արտադրության մեջ քացախ չի օգտագործվում․ ՍԱՏՄ–ը ՌԴ–ից մինչ օրս որևէ պաշտոնական տեղեկատվություն չի ստացել
«Ջերմուկ» հանքային ջրի արտադրության մեջ քացախ չի օգտագործվում․ ՍԱՏՄ–ը ՌԴ–ից մինչ օրս որևէ պաշտոնական տեղեկատվություն չի ստացել
14:43
12 Փետրվարի 2024
Ինչպես որոշել D վիտամինի դեֆիցիտն օրգանիզմում
D վիտամինը շատ կարևոր դեր է խաղում ոսկրերի և իմունիտետի ամրապնդման համար
21:16
06 Փետրվարի 2024
Մթերքների ցանկ, որոնցից հետո ուտելու զգացումն ավելի է ուժեղանում
Մթերքների ցանկ, որոնցից հետո ուտելու զգացումն ավելի է ուժեղանում
10:11
05 Փետրվարի 2024
Wildberries–ի ղեկավարն անդրադարձել է պարտադիր կանխավճար ներդնելու հարցին
Wildberries–ի ղեկավար Տատյանա Բակալչուկն անդրադարձել է պարտադիր կանխավճար ներդնելու հարցին
13:48
02 Փետրվարի 2024
Քրքումով գոլ ջուր. հիանալի պաշտպանիչ միջոց օրգանիզմի համար
Քրքումի օգտակար հատկությունների մասին շատերը գիտեն: Այս համեմունքը հարուստ է տարբեր սննդանյութերով, որոնք ուժ են հաղորդում օրգանիզմին
15:59
01 Փետրվարի 2024
Կաթնաշոռով դիետա. ինչպես հասնել ցանկալի արդյունքի ընդամենը 3 օրում
Կաթնաշոռը բազմաթիվ դիետաների բաղադրիչներից է, քանի որ այն հարուստ է կալցիումով, ունի ցածր յուղայնություն, լավ յուրացվում է օրգանիզմի կողմից և նպաստում նիհարեցման գործընթացին
15:50
31 Հունվարի 2024
Յոդի «ցանցի» առանձնահատկություններ
Չափահաս մարդու օրգանիզմում կա 20-50 մգ յոդ, որից մոտ 8 մգ–ն կենտրոնացված է վահանագեղձում
21:56
30 Հունվարի 2024
Հայաստանում ռուսական կայքեր մուտք գործելու հետ կապված խնդիրներ կան
Հայաստանում խնդիրներ կան՝ ռուսական կայքեր մուտք գործելու հետ կապված
19:54
30 Հունվարի 2024
«Պաշարված Լենինգրադի երեխաների» հիշատակին կանգնեցված հուշակոթողի հետ կապված միջադեպի առնչությամբ քրեական վարույթ է նախաձեռնվել. ՔԿ
ՌԴ Քննչական կոմիտեից հայտնել են, որ այս միջադեպի առնչությամբ քրեական գործ է հարուցվել
16:03
26 Հունվարի 2024
Ի՞նչ կլինի մարմնի հետ միայն հնդկաձավար ուտելու դեպքում (ՎԻԴԵՈ)
Ներկայացնում ենք տեսանյութ, որի օգնությամբ կարելի է հասկանալ, թե ինչ կլինի մարմնի հետ հնդկաձավար ուտելու դեպքում․ ՎԻԴԵՈ
21:15
24 Հունվարի 2024
9 ամենաօգտակար մթերքը առողջ մաշկ ունենալու համար
Մեր առողջությունը հիմնականում կախված է նրանից, թե ինչ ենք ուտում, իսկ դիետան ազդում է մեր մաշկի վիճակի վրա