ԵՐԵՎԱՆ, 5 հոկտեմբերի. /Նովոստի–Արմենիա/. Ֆրանսիայի նախագահ Էմանուել Մակրոնը հայերենով երկրորդ թվիթն է հրապարակել Ազնավուրի մասին և շնորհակալություն հայտնել հայերին Ֆրանսիայի հաջողությունների համար։
Այսօր Փարիզի կենտրոնում տեղի է ունեցել Ազնավուրի հոգեհանգստի արարողությունը, որին մասնակցել են ՀՀ վարչապետ Նիկոլ Փաշինյանը, նախագահ Արմեն Սարգսյանը, Ամենայն Հայոց Գարեգին Երկրորդ Կաթողիկոսը, Ֆրանսիայի նախագահ Էմանուել Մակրոնը, Ֆրանսիայի նախկին նախագահներ Նիկոլյա Սարկոզին և Ֆրանսուա Օլանդը, բազմաթիվ պաշտոնատար անձինք։ Ազնավուրը մահացել է հոկտեմբերի 1–ի գիշերը Ֆրանսիայում հարավում գտնվող իր տանը։
«Շառլ Ազնավուրի միջոցով, այսօր առիթ է հանդիսանում հիշեցնելու այն ինչ , որպես ազգ, մենք պարտավոր ենք այս բոլոր Հայերին, ովքեր, փախչելով իրենց հայրենիքից, եկել են մեծացնելու մերը հայրենիքը», – գրել է Մակրոնը Twitter–յան իր էջում։
Նրա խոսքով, Շառլ Ազնավուրը եղել է Հայաստանի որդին, դեսպանը, բարեկամը։ Նա, ով գիտեր Պատմության ողբերգությունը, ձայն տվեց նրանց, ում ցանկացել էին լռեցնել։
Շառլ Ազնավուրը (ՎաղինակԱզնավուրյան) ծնվել է 1924 թ.–ի մայիսի22–ին։
Ազնավուրն ավելի քան 1000երգերի հեղինակ է, հանդես է եկել 60ֆիլմերում և վաճառել ավելի քան 100 մլնձայնասկավառակ։ TIME և CNNամսագրերի համատեղ հարցմանհամաձայն, Ազնավուրը ճանաչվել է XXդարի լավագույն էստրադայինկատարողը։
Աշխարհահռչակ շանսոնյեն սկսել է երգել 9 տարեկանից։ Ելույթ է ունեցել դուետովկոմպոզիտոր Պիեր Ռոշի հետ։ 1946 թ.–ին նրանք երկուսն էլ մասնակցել ենՖրանսիայում և ԱՄՆ–ի կազմակերպված Էդիտ Պիաֆի հյուրախաղերին։ Հենց այդժամանակ էլ սկսվել է երգչի պրոֆեսիոնալ կարիերան։
Ազնավուրի երգերը կատարել են Ռեյ Չարլզը, Բոբ Դիլանը, Լայզա Մինելին, ԽուլիոԻգլեսիասը, Միրեյ Մատյոն։
2018 թ.–ի մայիսի 22–ին հայտնի ֆրանսահայ արտիստը նշել է 94–ամյակը։Աշխարհում վաճառվել է Ազնավուրի ձայնագրությունների 180 մլն նմուշ։–0–