ԵՐԵՎԱՆ, 17 դեկտեմբերի. /Նովոստի–Արմենիա/. Մարսի վրա մի քանի տարում կտրուկ աճել է մեթանի քանակությունը, ինչը կարող է Կարմիր մոլորակի վրա տեկտոնական և երկրաբանական գործընթացների վկայություն լինել մասին, ՌԻԱ Նովոստիին է հայտնել ՌԳԱ Տիեզերական հետազոտությունների ինստիտուտի ավագ գիտաշխատող Ալեքսանդր Ռոդինը` մեկնաբանելով ամերիկյան Curiosity մարսագնացից ստացած տվյալները։
«Սա շատ կարևոր արդյունք է։ Մեթանի առկայությունը Կարմիր մոլորակի վրա դեռևս 2004 թվականին, այսինքն, տասը տարի առաջ, վերլուծության ցամաքային մեթոդների օգնությամբ կանխագուշակել էր ռուս գիտնական Վլադիմիր Կրասնոպոլսկին։ Սակայն հաջորդ հետազոտությունները 2010 թվականին չհաստատեցին մեթանի առկայությունը, իսկ 2013 թվականին Curiosity նախագծի ամերիկյան թիմը նույնպես չկարողացավ փաստարկներով հաստատել Մարսի վրա մեթանի առկայությունը։ Այդ պատճառով, ներկայիս արդյունքի սենսացիոն լինելն այն է, որ մարսագնացից ստացված նոր տվյալներով, մեթանի քանակը մոլորակի վրա կտրուկ աճել է»,– փաստել է գիտնականը։
Ըստ նրա, Curiosity–ի վերջին հետազոտությունների արդյունքները թույլ են տալիս խոսելու Մարսի մթնոլորտի փոփոխության մասին, ընդ որում` բավականին արագ, ինչը վկայում է այնտեղ ընթացող տեկտոնական և երկրաբանական գործընթացների մասին։ -0-
