Դիզայներները սմարթֆոնային կախվածությունից ազատվելու սարք են ստեղծել

ԵՐԵՎԱՆ, 2 դեկտեմբերի. /Նովոստի Արմենիա/. Ավստրալացի դիզայներ Քլեմենս Շիլինջերը հեռախոսային կախվածություն ունեցող մարդկանց համար հատուկ սարք է ստեղծել։

Ինչպես հայտնում է life.ru–ն, սարքը ստեղծված է բջջային հեռախոսի տեսքով։ Դրա նպատակն է` անընդհատ հեռախոսը ստուգելու սովորությունից հետ վարժեցնել:


Սարքը ստեղծվել է Վիեննայում այս աշուն անցկացված դիզայներական Offline — Design for the (Good Old) Real World շաբաթվա համար։ Դիզայներ Շիլինջերը ցանկանում էր այնպիսի սարք ստեղծել, որն իր ֆունկցիաներով կհիշեցներ բջջային հեռախոս, սակայն կօգներ ազատվել այդ կախվածությունից։

«Սմարթֆոնի» կենտրոնական մասում տեղակայված անիվները «սքրոլի» ֆունկցիան են կատարում։

Արտադրողի կայքում նշված է, որ գաջեթ փոխարինող սարքը շուտով կհայտնվի վաճառքում։ –0–