ԵՐԵՎԱՆ, 4 հունվարի. /Նովոստի–Արմենիա/. Հայտնի գիտնական Դևիդ Միդը նշել է Երկիր մոլորակի ոչնչացման հստակ ամսաթիվը։
Գիտնականի հաշվարկներով, դա տեղի կունենա 2017 թ.–ի հոկտեմբերին այսպես կոչված Х մոլորակի հետ բախման հետևանքով։
Գիտնականն իր տեսակետը ներկայացրել է «Planet X: The 2017 Arrival» աշխատության մեջ։ Գիտնականն ուշադրություն է դարձրել այն փաստին, որ մեր մոլորակի ապագա ոչնչացման նախանշաններն արդեն ակնհայտ են, պարզապես այս ամենը գաղտնի են պահում հասարակությունից խուճապ չառաջացնելու նպատակով։ Որպես ապացույց գիտնականը ներկայացնում է Երկիր մոլորակի վրա գրանցված երկրաշարժերի վիճակագրությունը` նշելով, որ դրանց թիվն ավելանում է, աճում է նաև դրանց ինտենսիվությունը, հաղորդում է
news.rambler.ru–ն։
Նրա խոսքով, արդեն 2017 թ.–ի սեպտեմբերին Х մոլորակը կանցնի Կույս համաստեղության միջով, իսկ հոկտեմբերի 5–ին ամբողջությամբ կծածկի արևը։ Գիտնականը նաև նշել է, որ խելացի մարդիկ արդեն վաղուց սկսել են բունկերներ կառուցել։ Ավելի վաղ հաղորդվում էր, որ Х մոլորակը կարող է Ուրանին ու Նեպտունին դուրս մղել Արեգնակային համակարգից։–0–
