Պուտինը, Մակրոնը և Թրամփը կոչ են արել Ադրբեջանին և Հայաստանին առանց նախապայմանների վերսկսել բանակցությունները Ղարաբաղի հարցով. Հայտարարություն
ԵՐԵՎԱՆ, 1 հոկտեմբերի․ /Նովոստի-Արմենիա/․ Ռուսաստանի, ԱՄՆ-ի և Ֆրանսիայի նախագահներ Վլադիմիր Պուտինը, Դոնալդ Թրամփը և Էմանուել Մակրոնը համատեղ հայտարարություն են տարածել Ղարաբաղյան հակամարտության գոտում տիրող իրավիճակի վերաբերյալ: Հայտարարության տեքստը տեղադրված է ՌԴ նախագահի կայքում :
«Ռուսաստանի Դաշնության Նախագահ Վլադիմիր Պուտինը, Ամերիկայի Միացյալ Նահանգների Նախագահ Դոնալդ Թրամփը և Ֆրանսիայի Հանրապետության Նախագահ Էմանուել Մակրոնը, որոնք ներկայացնում են ԵԱՀԿ Մինսկի խմբի համանախագահ երկրները, խստորեն դատապարտում են Լեռնային Ղարաբաղի շփման գծի հակամարտության գոտում բռնության սրումը:
Մենք սգում ենք զոհերի համար և ցավակցում զոհվածների և վիրավորների ընտանիքներին:
Կոչ ենք անում անհապաղ դադարեցնել ռազմական գործողությունները ներգրավված կողմերի զինված ուժերի միջև:
Մենք նաև կոչ ենք անում Հայաստանի և Ադրբեջանի ղեկավարներին անհապաղ պարտավորություններ ստանձնել բարեխղճորեն և առանց նախապայմանների առաջադրման վերսկսելու կարգավորման էական բանակցությունները՝ ԵԱՀԿ Մինսկի խմբի համանախագահների աջակցությամբ:-0-
