ԿԸՀ-ն ներկայացրել է ընտրությունների արդյունքները. ՀՀ ԱԺ է անցնում 3 կուսակցություն

ԵՐԵՎԱՆ, 14 հունիսի․/Նովոստի-Արմենիա/․ ՀՀ Կենտրոնական ընտրական հանձնաժողովը ներկայացրել է ՀՀ Ազգային ժողովի ընտրությունների արդյունքները։

««Քաղաքացիական պայմանագիր» կուսակցությունը ստացել է ձայների 49,745%-ը, «Ուժեղ Հայաստան» դաշինքը՝ 23,271%-ը, «Հայաստան» դաշինքը՝ 9,923%-ը»,- մամուլի ասուլիսի ժամանակ հայտնել է ԿԸՀ նախագահ Վահագն Հովակիմյանը։

Նրա խոսքով՝ «Բարգավաճ Հայաստան» կուսակցությունը հավաքել է ձայների 3,989%-ը և չի հաղթահարել նվազագույն շեմը։

Այսպիսով, 2026 թվականի հունիսի 7-ին կայացած ընտրություններին մասնակցած 18 քաղաքական ուժերից 15-ը չեն հաղթահարել խորհրդարան անցնելու նվազագույն շեմը (4%՝ կուսակցությունների, 8%՝ երկու կուսակցություններից կազմված դաշինքների, 10%՝ երեք և ավելի կուսակցություններից կազմված դաշինքների համար)։

ԿԸՀ տեղեկատվության համաձայն՝ Հայաստանի ընտրողների ռեգիստրում ընդգրկված է 2 507 216 մարդ։ Մասնակցությունը կազմել է 58,9%, քվեարկությանը մասնակցել է 1 476 769 ընտրող։