ՀՀԿ-ն կեղծված է անվանել ՀՀ ԱԺ ընտրությունների արդյունքները

ԵՐԵՎԱՆ, 15 հունիսի․/Նովոստի-Արմենիա/․ Հայաստանի Հանրապետական կուսակցությունը (ՀՀԿ) հայտարարել է, որ չի ճանաչում հունիսի 7-ին կայացած Ազգային ժողովի ընտրությունների պաշտոնական արդյունքները և համարում է, որ դրանք չեն արտացոլում հայ ժողովրդի կամքը։

«Հանրապետական կուսակցությունը նման կերպ ձևավորված Ազգային ժողովը և դրա ստեղծած իշխանությունը չի ճանաչում որպես հայ ժողովրդի կամքի օրինական արտահայտություն։ անրապետական կուսակցությունը կոչ է անում ազգային-պետական պատասխանատվություն կրող բոլոր քաղաքական ուժերին և յուրաքանչյուր քաղաքացու՝ հաղթահարել տարակարծությունները և համախմբվել մեկ նպատակի շուրջ՝ վերականգնել ժողովրդի յուրացված ընտրությունը և պաշտպանել Հայաստանի պետականությունը»,- ասված է կուսակցության գործադիր մարմնի հայտարարության մեջ։

ՀՀԿ-ում նաև հայտարարել են, որ, իրենց կարծիքով, հունիսի 7-ի ընտրությունները չեն կայացել։

«Կայացել է ընտրակեղծիք՝ նախապես ծրագրված, կենտրոնացված ղեկավարությամբ իրականացված և վարչախմբի ղեկավարի ուղիղ միջամտությամբ պսակված հանցավոր գործողություն՝ ուղղված ժողովրդի կամքի յուրացմանը։»,- հայտարարել են կուսակցությունում։

Ընտրությունների մասին

Հայաստանի ԿԸՀ-ն կիրակի օրը՝ հունիսի 14-ին, ներկայացրեց հունիսի 7-ին կայացած Ազգային ժողովի ընտրությունների վերջնական արդյունքները։ Ընտրություններին մասնակցում էր 18 քաղաքական ուժ։

ԿԸՀ վերջնական տվյալների համաձայն՝ իշխող «Քաղաքացիական պայմանագիր» կուսակցությունը ստացել է ձայների 49,745%-ը (64 պատգամավորական մանդատ), ընդդիմադիր «Ուժեղ Հայաստան» դաշինքը՝ 23,271%-ը (29 մանդատ), ընդդիմադիր «Հայաստան» դաշինքը՝ 9,923%-ը (12 մանդատ)։

Մեկ այլ ընդդիմադիր ուժ՝ «Բարգավաճ Հայաստան» կուսակցությունը (ԲՀԿ), հավաքել է ձայների 3,989%-ը՝ չնչին մասով չհաղթահարելով անցողիկ նվազագույն շեմը (4%):

Ավելի ուշ հայտնի դարձավ, որ ԿԸՀ-ն անվավեր է ճանաչել երեք ընտրական տեղամասերի քվեարկության արդյունքները։

ԲՀԿ-ն հայց է ներկայացրել Վարչական դատարան՝ պահանջելով անվավեր ճանաչել վերոնշյալ երեք ընտրատեղամասերից երկուսի քվեարկության արդյունքները։ Ընդ որում, դատարանն արձանագրել է խախտումը և կրկնակի քվեարկություն նշանակելու անհրաժեշտությունը։

Հունիսի 15-ին ԿԸՀ նախագահ Վահագն Հովակիմյանը հայտարարեց, որ կրկնակի քվեարկություն չի անցկացվի, քանի որ դա կարող է հանգեցնել ընտրողների իրական կամքի խախտմանը և խաթարել արդար ու հավասար ընտրությունները։