Հայ մտավորականները հանրահավաքի ժամանակ պահանջել են ռազմագերիների վերադարձը հայրենիք

ԵՐԵՎԱՆ, 28 նոյեմբերի․ /Նովոստի-Արմենիա/․ Հայաստանի մշակութային գործիչները բողոքի ակցիա են անցկացնում Շառլ Ազնավուրի անվան հրապարակում՝ «Մոսկվա» կինոթատրոնի հարևանությամբ` հայ զոհված զինծառայողների մարմինները և ռազմագերիներին հայրենիք վերադարձնելու պահանջով:

«Այսօր Հայաստանում չկա իշխանություն, որ ի վիճակի է զբաղվել գերիների խնդրով, բանակցություններ վարել թշնամու ու դաշնակիցների հետ, և պայմանավորվել ենք այսօր չխոսել Նիկոլ Փաշինյանի մասին: Մենք խնդրում ենք Հայաստանում ներկայացուցչություններ ունեցող բոլոր երկրներին օգնություն ցուցաբերել ռազմագերիների և զոհվածների դիերի վերադարձի հարցով»,- ասաց ռեժիսորասաց Մհեր Մկտրչյանը:

Ակցիայի կազմակերպիչներից մեկի՝ Հրանտ Թոխատյանի խոսքով, հայերը հիմա այլ ելք չունեն, քան այլ երկրներին կոչով դիմելը։

«Ես ուրախ կլինեի, եթե մեր կառավարությունը զբաղվեր այս հարցերով, և մենք պարզապես օգնեինք: Բայց, ցավոք, իրավիճակն այնպիսին է, որ ես ստիպված եմ դիմել բոլոր երկրներին. Հայաստանը միշտ օգնել է, երբ ինչ-որ մեկը դժվարության մեջ է եղել, հիմա մենք ենք դժվարության մեջ»,- ասաց նա:

Ելույթ ունեցողները կոչ արեցին ներկաներին միանալ երթին «Անմահ գնդի» պես` զոհված ու անհայտ կորած զինծառայողների լուսանկարներով դեպի Երևանի դեսպանատներ, որը տեղի կունենան վաղը:

Ակցիայի մասնակիցներն ասացին, որ դրանք ամեն օր կկրկնվեն:-0-