ԵՐԵՎԱՆ, 28 նոյեմբերի․ /Նովոստի-Արմենիա/․ Ժամկետային զինծառայողների ծնողները, որոնք կառավարության դիմաց ակցիա էին անցկացնում, պահանջել են իրենց երեխաների վերադարձը հայրենիք։
Ինչպես նշել են ներկաները, իրենց երեխաները մինչ ճրս գտնվում են Արցախի տարածքում, և հակառակորդի հարձակման դեպքում ոչ ոք չի կարող երաշխավորել նրանց վերադարձը։
«Հիմա շատ գյուղեր պահանջում են ազատել մի քանի օրվա ընթացքում, բայց մեր երեխաները դեռ սահմանին են, որքա՞ն ժամանակ նրանք դեռ այնտեղ կմնան և ի՞նչ կարգավիճակով, և եթե նրանց վաղը գերի վերցնեն, ինչպե՞ս ենք մենք նրանց հատ բերելու»,- հետաքրքրվել է ակցիայի մասնակիցներից մեկը։
Загружается новость ...
"Право"
Բողոքի ակցիային մասնակցող ծնողները պահանջել են Հանրային հեռուստաընկերության եթերում հստակ պատասխանել ու ներկայացնել Արցախում ներկայումս գտնվող ՀՀ քաղաքացիներ հանդիսացող ժամկետային զինծառայողներին Հայաստանի տարածք վերադառնալու ուղիները, արդյո՞ք պատրաստվում են մինչև 10-օրյա ժամկետում ժամկետային զինծառայողներին փոխարինել պայմանագրային կամ այլ հիմունքներով զինծառայողներով, ի՞նչ ժամկետում են պատրաստում ապահովել Արցախում գտնվող ժամկետային զինծառայողների տարրական սանիտարահիգիենիկ նորմերը։
«Միաժամանակ խնդրում և պահանջում ենք՝ սույն հարցերի պատասխանները մեր իսկ պահանջած եղանակով հրապարակվի երկու ժակետում, հակառակ դեպքում ծնողներով պատրաստ ենք ձեռնարկել այլ կտրուկ քայլեր, որոնք չեն բխում Հայաստանի այս պահին ստեղծված իրավիճակից, սակայն ստիպված կլինեն կիրառել»,- նշված է ժամկետային զինծառայողների ծնողների հայտարարության մեջ։
Նրանք պահանջագիր ներկայացրեցին և 2 օր ժամանակ տվեցին Նիկոլ Փաշինյանին՝ հայտարարելով, որ հակառակ դեպքում դիմելու են կտրուկ քայլերի:-0-