ԵՐԵՎԱՆ, 17 մարտի./Նովոստի–Արմենիա/. ՀՀԿ–ի և ՀՅԴ–ի երիտասարդական թևերը բողոքի ակցիա են կազմակերպել ԱԳՆ–ի շենքի մոտ։
Загружается новость ... "Лево"
«Այսօր մենք հավաքվել ենք երկու նպատակով՝ «ոչ» ասել Նիկոլին (Հայաստանի վարչապետ, խմբգր.), «ոչ» ասել Ադրբեջանին, «ոչ» ասել թուրքերին, «ոչ» ասել «Քաղաքացիական պայմանագրին»,- ասաց ցուցարարներից մեկը։
Ցուցարարները դեմ են արտահայտվել նաև Ադրբեջանի ներկայացրած հինգ պայմաններին և Հայաստանի գործող իշխանություններին։
Ակցիային մասնակցել են նաև «Պատիվ ունեմ» ընդդիմադիր խմբակցության պատգամավոր Տիգրան Աբրահամյանն ու «Հայաստան» ընդդիմադիր խմբակցության պատգամավոր Ասպրամ Կրպեյանը։
Ցուցարարները ԱԳ նախարար Արարատ Միրզոյանին «նվիրեցին» հողաթափեր, լողազգեստ, գլխարկ ու ակնոցներ` Թուրքիայի ԱԳ նախարար Մևլյութ Չավուշօղլուի հետ հանդիպման համար։ Դրանից հետո նրանք շարժվեցին դեպի կառավարության շենք։
Նշենք, որ մարտի 14–ին պաշտոնական Երևանը հայտնեց, որ դիմել է ԵԱՀԿ–ին Ադրբեջանի հետ խաղաղության պայմանագրի կնքման նպատակով բանակցություններ կազմակերպելու համար։–0–