ԼՂՀ պաշտպանության նախարարություն հաղորդել է Ադրբեջանի կողմից հրադադարի խախտման մասին:

Հաղորդագրության համաձայն՝ հրադադարի ռեժիմի խախտման դեպքերն արձանագրվել են փետրվարի 4-ի լույս 5-ի գիշերը  և օրվա ընթացքում ղարաբաղա-ադրբեջանական զորքերի շփման գոտու մի շարք հատվածներում:  

«Հակառակորդը փոքր տրամաչափի հրաձգային զենքերից և դիպուկահար հրացաններից գնդակոծել է Մեհդիլի, Նուզգեր, Հորադիզ, Լյալա-Իլագլի, Աշաղը Աբդուռահմանլի, Չախրլը, Կորգան, Կարախանբեյլի, Քարվենդ, Շխլար,  Ջրաբերդ և Սեյսուլան ուղղություններում տեղակայված ղարաբաղյան դիրքապահների հենակետերը»,- ասվում է հաղորդագրության մեջ:

Մամուլի ծառայությունից նշեցին, որ պաշտպանության բանակի առաջապահ ստորաբաժանումների ձեռնարկած պատասխան գործողություններից հետո հակառակորդը լռել է:--0--