ԵՐԵՎԱՆ, 18 հոկտեմբերի․ /Նովոստի-Արմենիա/․ ՀՀ Պ մամուլի քարտուղար Շուշան Ստեփանյանը հայտնել է գիշերը Ադրբեջանի կողմից հումանիտար հրադադարի խախտման մասին։
«Հերթական անգամ խախտելով հումանիտար հրադադարը, հակառակորդը հյուսիսային ուղղությամբ ժամը 00:04-ից 02:45-ն ընկած ժամանակահատվածում վարել է հրետանային և հրաձգային կրակ, իսկ հարավային ուղղությամբ ժամը 02:20-ից 02:45-ն ընկած ժամանակահատվածում հասցրել է հրթիռային հարվածներ»,- գրել է նա Facebook-յան իր էջում։
Հոկտեմբերի 18–ին ժամը 00։00–ին ղարաբաղյան հակամարտության գոտում
ուժի մեջ է մտել հումանիտար զինադադարի մասին պայմանավորվածությունը:
Ինչպես ավելի վաղ շաբաթ օրը հայտարարություն տարածեց ՀՀ ԱԳՆ-ն , Հայաստանի Հանրապետությունը և Ադրբեջանի Հանրապետությունը որոշել են հոկտեմբերի 18-ին, տեղական ժամանակով ժամը՝ 00:00-ից հաստատել մարդասիրական զինադադար:
Այս որոշումն ընդունվել է `շարունակելով հոկտեմբերի 1-ին ԵԱՀԿ Մինսկի խմբի համանախագահ երկրները ներկայացնող Ֆրանսիայի, Ռուսաստանի և Միացյալ Նահանգների նախագահները, ԵԱՀԿ Մինսկի խմբի համանախագահների հոկտեմբերի 5-ի հայտարարությունը և հոկտեմբերի 10-ին Մոսկվայում ընդունված համատեղ հայտարարությունը:
Շաբաթ օրը ավելի ուշ, Արցախի արտգործնախարարությունը հայտարարել է, որ պատրաստ է փոխադարձաբար պահպանել հումանիտար զինադադարը:
Ադրբեջանի ԱԳՆ-ն շաբաթ օրը հաստատել է պայմանավորվածությունը Հայաստանի հետ՝ Լեռնային Ղարաբաղում հոկտեմբերի 18-ին տեղական ժամանակով 00:00-ից հումանիտար զինադադարի մասին:–0–