Լավրովը փակ հանդիպում կանցկացնի Ադրբեջանի և Հայաստանի ԱԳ նախարարների հետ.կքննարկվի ԼՂ հիմնահարցը

12:01

15 Ապրիլի 2019

ԵՐԵՎԱՆ, 15 ապրիլի./Նովոստի–Արմենիա/. ՌԴ ԱԳ նախարար Սերգեյ Լավրովը երկուշաբթի Մոսկվայում կհանդիպի Հայաստանի և Ադրբեջանի ԱԳ նախարարներ Զոհրաբ Մնացականյանի և Էլմար Մամեդյարովի հետ։ Հանդիպմանը կքննարկվեն ղարաբաղյան հակամարտության կարգավորման հեռանկարները։

Ինչպես հաղորդում է ՏԱՍՍ–ը, փակ խորհրդակցությունները կկազմակերպվեն մարտի 29–ին Վիեննայում կազմակերպված Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի բանակցությունների արդյունքների ֆոնին։

Վիեննայում մարտի 29–ին կայացել է ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպումը` ընդլայնված կազմով` ԱԳ նախարարների և ԵԱՀԿ ՄԽ համանախագահների մասնակցությամբ, այնուհետև կայացած առաջնորդների առանձնազրույցը։ Փաշինյանը հանդիպման արդյունքում հայտարարեց, որ չի կարող ասել, որ բանակցային գործընթացում գրանցվել է հեղափոխություն, իսկ Ալիևն իր հերթին նշեց, որ բանակցային գործընթացի ձևաչափը մնում է անփոփոխ։

Загружается новость ... "Лево"

Վիեննային հանդիպման գլխավոր արդյունքը դարձավ այն, որ կողմերը պատրաստակամություն հայտնեցին շարունակել ուղիղ երկխոսությունը` նվիրված ԼՂ հիմնահարցի խաղաղ կարգավորմանը։ Բացի այդ, Ալիևն ու Փաշինյանը պայմանավորվել են մարդասիրական միջոցների շուրջ, հաստատել են հրադադարի և ուղիղ կապի մեխանիզմի կատարելագործման անհրաժեշտությունը։

Վիեննայի հանդիպման արդյունքները հեռախոսով Փաշինյանի և Ալիևի հետ քննարկել է ՌԴ նախագահ Վլադիմիր Պուտինը։ Նա նշել է Երևանի և Բաքվի միջև բանակցային գործընթացի կարևորությունը, ինչպես նաև պատրաստակամություն է հայտնել, որ Մոսկվան հետագայում ևս շարունակելու է աջակցել ԼՂ հիմնահարցի խաղաղ կարգավորման ուղիները փնտրելու հարցում, մասնավորապես, ԵԱՀԿ ՄԽ ձևաչափի ներքո։–0–

Ծանոթացեք լուրերին առաջինն ու քննարկեք դրանք մեր Telegram-յան ալիքում

#Լավրով #Հայաստան #Ադրբեջան #ԱԳ նախարարներ #հանդիպում

Թեմատիկ նյութեր