ԵՐԵՎԱՆ, 24 մայիսի./Նովոստի–Արմենիա/. ՀՀ Ներքին գործերի նախարարության Ոստիկանության Արթիկի բաժին մայիսի 20-ին ահազանգ է ստացվել «Գյումրու մոր և մանկան ավստրիական» հիվանդանոցից, որ իրենց մոտ է տեղափոխվել «գլխուղեղի փակ վնասվածք, գագաթոսկրի գծային կոտրվածք առանց տեղաշարժի» ախտորոշմամբ երեխա:
Shamshyan.com–ի հաղորդմամբ, հիվանդանոց է մեկնել ոստիկանության Արթիկի բաժնի օպերատիվ խումբը:
Ոստիկանները պարզել են, որ 5-ամյա աղջնակը հիվանդանոց է տեղափոխվել Շիրակի մարզի գյուղերից մեկից:
Պարզվել է նաև, որ 1 օր առաջ երեխան գտնվել է իրենց տանը և զգեստապահարանը ընկել է երեխայի վրա, և նա ստացել է վնասվածք։
Դեպքի փաստով նախապատրաստվել են նյութեր, դրանք փոխանցվել են Հայաստանի Քննչական կոմիտեի Շիրակի մարզային քննչական վարչություն:
Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով՝ դատարանի՝ օրինական ուժի մեջ մտած դատավճռով։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում