Ինքնասպանության փորձ Հաղթանակ կամրջի վրա. քաղաքացին անցել է վտանգավոր եզրագիծն ու սպառնում է նետվել

ԵՐԵՎԱՆ, 20 մայիսի./Նովոստի-Արմենիա/. Մայիսի 20-ին, ժամը 16:00-ին Ճգնաժամային կառավարման ազգային կենտրոն ահազանգ է ստացվել, որ քաղաքացին փորձում է ինքնասպանություն գործել՝ ցած նետվելով Երևանի Հաղթանակի կամրջից: Այս մասին հայտնում է ԱԻՆ Փրկարար ծառայությունը:

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և հոգեբանական աջակցության բաժնի կրտսեր հրահանգիչը:

Shamshyan.com-ի հաղորդմամբ, տղամարդն անցել է կամրջից այն կողմ և սպառնում է ինքնասպան լինել:

Ոստիկանությունը պարզում է նաև տղամարդու ինքնությունը, ինչպես նաև՝ ինչն է պատճառը, որ նա դիմել է նման քայլի: -0-