«Աերոֆլոտի» օդանավը տարհանվել է ռումբի մասին ահազանգի պատճառով

ԵՐԵՎԱՆ, 7 դեկտեմբերի./Նովոստի–Արմենիա/. «Աերոֆլոտ»–ի ուղևորատար օդանավի ուղևորները, որը վայրէջք է կատարել Նյու Յորքի Ջոն Քենեդու անվան օդանավակայանում, տարհանվել են, հաղորդում է Ինտերֆաքսը`հղում անելով FoxNews–ին։

Նյու Յորքի և Նյու Ջերսիի ադմինիստրացիայի տվյալներով, տարհանման պատճառը օդանավում պայթյունի սպառնալիքի մասին տեղեկություններ են։

ԱՄՆ–ում ՌԴ դեսպանատունը հայտնել է, որ ուշադիր հետևում է իրավիճակի հետ կապված զարգացումներին։

Նշենք, որ օդանավը կատարել է Մոկսվա–Նյու Յորք չվերթը։

Ավելի ուշ ՏԱՍՍ–ի թղթակցին հայտնել են, որ ստուգումից հետո ոստիկանությունը պայթուցիկ սարք չի հայտնաբերել օդանավում։

Ավելի ուշ Ջոն Քենեդու անվան օդանավակայանի Twitter–ի էջում նշվել է, որ օդանավակայանն «ամբողջությամբ բաց է, և չվերթերն իրականացվում են առանց ուշացումների»։–0–