ԵՐԵՎԱՆ, 25 հոկտեմբերի. /Նովոստի–Արմենիա/. Քիչ հայտնի Atlassian ավստրալական կորպորատիվ ծրագրային ընկերության համահիմնադիրներ Մայկ Քենոն–Բրուքսն ու Սքոթ Ֆարկուհարը մեկ օրում հարստացել են 1,4 մլրդ դոլարով, գրում է Forbes–ը։
Ընկերությունը բազմաթիվ հայտնի հաճախորդներ ունի, որոնց թվում են NASA–ն, Airbnb–ին, Tesla–ն, SpaceX–ը, Spotify–ը և ուրիշներ։
Загружается новость ... "Лево"
Atlassian–ը զբաղվում է Jira ծրագրային ապահովման մշակմամբ։ Ավստրալական ընկերությանն է պատկանում նաև Cenqua ծրագրային ապահովման մշակողը, Trello նախագծերի կառավարման ծառայության մշակողը և այլն։
Հոկտեմբերի 19–ին Atlassian–ը հրապարակել է նոր ֆինանսական տարվա առաջին եռամսյակի հաշվետվությունը։ Այդ տվյալների համաձայն` ընկերության եկամուտներն այդ ժամանակահատվածում տարեկան արտահայտությամբ աճել են 42 տոկոսով, իսկ հաճախորդների թիվը գերազանցել է 100 000–ը։ Դրանից հետո ընկերության բաժնետոմսերը թանկացել են 25 տոկոսով, իսկ Atlassian–ի կապիտալիզացիան առաջին անգամ գերազանցել է 10 մլրդ դոլարը։
Բիզնեսի մոտ երեք հինգերորդը պատկանում է Քենոն–Բրուքսին և Ֆարկուհարին։ Forbes–ի տվյալներով, նրանցից յուրաքանչյուրի ունեցվածքն այդ ընթացքում ավելացել է 700 մլն դոլարով` հասնելով 3,5 մլրդ դոլարի (հոկտեմբերի 23–ի դրությամբ)։–0–