ԱՄՆ–ում 6–ամյա տղան կրկնել է «Տանը մենակ» ֆիլմի սյուժեն․ ի՞նչ է տեղի ունեցել նրա հետ

ԵՐԵՎԱՆ, 27 դեկտեմբերի․/Նովոստի–Արմենիա/․ ԱՄՆ-ում ավիաընկերությունը վեցամյա տղային սխալ չվերթի օդանավ է նստեցրել, ինչի արդյունքում երեխան հայտնվել է ընտանիքից հարյուրավոր կիլոմետրեր հեռու, գրում է attention.plus–ը։

Կասպերն առաջին անգամ էր թռչում ինքնաթիռով, նա պետք է հանդիպեր տատիկին։ Բայց նա ժամանել է ոչ թե Ֆիլադելֆիայի Օռլանդո քաղաք, այլ Ֆլորիդայի Ֆորտ Մայերս։

Բարեբախտաբար, երեխան գտնվում էր իր նշանակման վայրից չորս ժամ հեռավորության վրա, և տատիկը կարողացել է վերցնել նրան: Նա բացատրություն է պահանջել ավիաընկերությունից, որն իր հերթին ընտանիքին առաջարկել է վերադարձնել ուղևորության արժեքը:

Ավիաընկերությունն այժմ ներքին հետաքննություն է անցկացնում միջադեպի առնչությամբ, հայտնում է WINK News-ը։

Կասպերի հետ տեղի ունեցածը հիշեցնում է «Տանը մենակ 2» կուլտային ֆիլմի սյուժեն, որի գլխավոր հերոսի կերպարը մարմնավորում է Մաքըլեյ Կալկինը, ով սխալ չվերթի օդանավ է նստում՝ հորը շփոթելով մեկ այլ տղամարդու հետ և միայնակ հայտնվում Նյու Յորքում։–0–