Ռուսաստանում տղամարդը բենզին է լցրել նախկին կնոջ վրա և այրել նրան (ՎԻԴԵՈ)
16:45
30 Հունվարի 2020
ԵՐԵՎԱՆ, 30 հունվարի. /Նովոստի-Արմենիա/. Հունվարի 27-ին Ռուսաստանի Սոլիկամսկ քաղաքում տղամարդը մտել է խանութ, որտեղ աշխատում է նրա ծանոթ մի կին: Խոսակցության ընթացքում նա կնոջ վրա բենզին է լցրել և այրել նրան, որից հետո հեռացել է դեպքի վայրից: Այս մասին հաղորդում է ՏԱՍՍ-ը՝ հղում անելով Ռուսաստանի Քննչական կոմիտեի կայքին:
Загружается новость ... "Лево"
Պատահարը նկարահանվել է խանութում տեղադրված տեսախցիկով, և տեսանյութը հայտնվել է տեղական ալիքներից մեկի ВКонтакте-ի պաշտոնական կայքում (վերնագրում նշվում է, որ նրանք նախկին ամուսիններ են): Տեսանյութում երևում է, թե ինչպես է տղամարդը մոտենում կնոջը և նրա վրա բենզին լցնում: Կինը փորձում է թաքնվել կողքի սենյակում, սակայն տղամարդը հետևում է նրան և մի քանի վայրկյանից դուրս գալիս: Նրա հետևից սենյակից դուրս է վազում այրվող կինը:
Հաղորդվում է, որ կնոջը հիվանդանոց են տարել մարմնի 35% այրվածքներով: Բժիշկները նրա վիճակը գնահատել են ծանր:-0-
