ԵՐԵՎԱՆ, 15 հուլիսի․ /Նովոստի-Արմենիա/․ Ադրբեջանի նախագահ Իլհամ Ալիևը դժգոհություն է հայտնել Ադրբեջանի արտաքին գործերի նախարար Էլմար Մամեդյարովի աշխատանքից, հայտնում է « Ինտերֆաքս-Ադրբեջանը» :
«Կարծում եմ, որ մեր դիվանագիտական գործությունությունը կարող էր առավել արդյունավետ լինել: Բազմիցս ասել եմ, որ մեր դիվանագիտությունը պետք է հարձակողական լինի այլ ոչ թե՝ պասիվ, պաշտպանվողական»,- ասել է Ալիևը չորեքշաբթի՝ կառավարության նիստի ժամանակ:
Նրա խոսքով՝ ԱԳՆ-ն պետք է առավել արդյունավետ կատարի իր պարտականությունները, ինչպես նաև հակառակորդներին ճիշտ փոխանցի Ադրբեջանի դիրքորոշումը: «Չնայած իմ հրահանգներին, ես նախարարի աշխատանքից արդյունք չտեսա: Ցավոք վերջերս մեր դիվանագիտությունը չի համապատասխանում մեր երկրի հաջող զարգացմանը, որոշ դեպքերում այն զբաղվում է անիմաստ աշխատանքով, անիմաստ բանակցություններով։ Ի՞նչ բանակցություններ կարող են լինել թշնամու հետ կորոնավիրուսի հարցով: Սա աբսուրդ է: Արդյո՞ք մենք սկսել ենք համագործակցել Հայաստանի հետ », - նշել է Ալիևը:
Ադրբեջանի նախագահն ընդգծել է, որ նախարարը պետք է Հայաստանի հետ պայմանավորվեր ղարաբաղյան հակամարտության վերաբերյալ, բայց, ցավոք, մինչ օրս այդ նպատակին չեն հասել, քանի որ Հայաստանը դեռևս չի կատարել ՄԱԿ-ի Անվտանգության խորհրդի բանաձևը:
Загружается новость ... "Лево"
«Այս իրավիճակում ՀՀ վարչապետն ասում է, որ« Ղարաբաղը Հայաստան է և վերջ»: Ես պատասխանում եմ դրան: Արտաքին գործերի նախարարությունը ինչ-որ ձևով արձագանքե՞լ է դրան, թե՞ ոչ: Ես չեմ լսել, ինչպես և Ադրբեջանի ժողովուրդը: Ո՞վ պետք է դա անի առաջին հերթին: Արտաքին գործերի նախարարությունը լռում է: Ես ասել եմ, որ Հայաստանի հետ չի կարող համագործակցություն լինել այնքան ժամանակ, քանի դեռ բանակցային գործընթացում առաջընթաց չի արձանագրվում », - հավելել է Ադրբեջանի նախագահը:
Ալիևը նշել է, որ Արտաքին գործերի նախարարը որևէ կերպ չի արձագանքել հուլիսի 12-ին, երբ սկսվել են իրադարձությունները Ադրբեջանի և Հայաստանի սահմանին:
«Ի՞նչ էր անում արտգործնախարարը, ո՞ւր էր նա, մենք հուլիսի 12-ի դեպքերից հետո աշխատանքի վայրում էինք գտնվում: Վարչապետը աշխատավայրում է, ես աշխատում եմ մինչև առավոտ: Պաշտպանության նախարարը, Գլխավոր շտաբի պետը, ինչպես նաև Պետական անվտանգության ծառայության պետը, Ներքին գործերի նախարարը, Արտաքին հետախուզության ծառայության ղեկավարը և Անվտանգության խորհրդի քարտուղարը աշխատել են մինչև առավոտ: Ես չկարողացա գտնել Արտաքին գործերի նախարարին: Ես հարցրեցի Ալի Ասադովին (Վարչապետ ), թե որտեղ է նա: Ի՞նչ է նա քեզ ասել, ասա՛", - ասաց նա:
Վարչապետ Ասադովը պատասխանել է հետևյալը. Նա (Մամեդյարովը) ասաց, որ տնից է աշխատում։ Ես զանգահարեցի նրան։ Ասացի, ժամ-առ-ժամ ասա որտեղ ես եղել։ Նա նորից ասաց, որ տնից է աշխատում, որ լսել է դրա մասին (Հայաստանի հետ սահմանին իրադարձություններ) ժամը 3-ին: Այնուհետև նա ասաց, որ խոսել է Խիկմետ ԳԱջիևի հետ (Նախագահի օգնական) հեռախոսով, երեկոյան ժամը 6-ին կամ 7-ին: Ես նրան փոխանցեցի հրահանգները, որ դուք էիք տվել և ասացի, որ այդպես չի կարելի: Մենք բոլորս աշխատանքի վայրում ենք: Գործընթացները վերահսկվում են պրն Նախագահի կողմից: Որպես Արտաքին գործերի նախարար, դուք պետք է կատարեք Նախագահի կողմից տրված առաջադրանքները: Ես հարցրեցի, թե ինչու եք տնից աշխատում, դուք պետք է գաք աշխատանքի, գրասենյակ և այլն: Առաջադրանքն այսպիսին է եղել: Դրանից հետո իրադարձությունները հայտնի են»:-0-
