Մահվան դեպք, ծեծկռտուք, վիճաբանություն. Վրաստանում խորհրդարանական ընտրություններ են (ՎԻԴԵՈ)
ԵՐԵՎԱՆ, 26 հոկտեմբերի./Նովոստի-Արմենիա/. Այսօր Վրաստանում անցկացվում են խորհրդարանական ընտրություններ։ Դրանց մասնակցում է 18 կուսակցություն, այդ թվում՝ իշխող «Վրացական երազանք-Ժողովրդավարական Վրաստան»-ը, որը իշխանության է 12 տարի։
Վրաստանում ընթացող խորհրդարանական ընտրությունների ընթացքում մի շարք միջադեպեր են գրանցվել։ ТАСС-ը հայտնում է, որ գրանցվել է 102 բողոք։
Խորհրդարանական մեծամասնության անդամ Գիվի Միկանաձեն զեկուցել է խախտումների առանձին դեպքերի մասին և կարևորել է տեղի ունեցած միջադեպը, երբ մի խումբ քաղաքացիներ քվեաթերթիկներ են լցրել քվեատուփի մեջ։ Միկանաձեն այս փաստն անվանել է «դիտավորյալ և բեմադրված սադրանք»։ Նրա խոսքով՝ քաղաքացին հասկացել է, որ իրեն նկարահանում են և դա արել է միտումնավոր։
Վրացական ԶԼՄ-ները հայտնում են, որ Վրաստանի Կենտրոնական ընտրական հանձնաժողովի մամուլի խոսնակ Նատիա Իոսելիանին հայտարարել է Փոթի նավահանգստային քաղաքի ընտրատեղամասում մահվան դեպքի մասին։ Ընտրատեղամասի անդամի ինքնազգացողությունը վատացել է, տեղափոխել են հիվանդանոց, սակայն մահացել է։
