Ընդամենը 4 օր․ Երևանում վերաբացվում է «Դալի և Պիկասո» ցուցահանդեսը (ՖՈՏՈ)

ԵՐԵՎԱՆ, 20 օգոստոսի․ /Նովոստի-Արմենիա/․ Ազգային պատկերասրահում վերաբացվում է «Դալի և Պիկասո» ցուցահանդեսը: Այս մասին ասվում է պատկերասրահի Facebook-յան էջում։

Այն դիտելու հնարավորություն կլինի ընդամենը 4 օր:

Հաշվի առնելով ցուցահանդեսի հանդեպ մեծ հետաքրքրությունը, պատկերասրահի այցելության ժամերը կսահմանվեն 11:00 - 20:30: 

Ցուցահանդեսի տոմսեր կարող եք ձեռք բերել Ազգային պատկերասրահի տոմսարկղից: Նախքան Արտակարգ դրությունը ձեռք բերած տոմսերը ուժի մեջ են:

Հիշեցնենք, որ ցուցահանդեսը ներկայացնում է Սալվադոր Դալիի և Պաբլո Պիկասոյի 260 ստեղծագործություն (քանդակ, գրաֆիկա, խեցեղեն)՝ «Искусство Наций» հիմնադրամի նախագահ, մեկենաս և հավաքորդ Ալեքսանդր Շադրինի մասնավոր հավաքածուից: Այս ցուցահանդես-նախագիծն արդեն ներկայացվել է բազմաթիվ երկրներում: Հավաքածուն Ալեքսանդր Շադրինը համալրել է 15 տարիների ընթացքում, այն Դալիի ստեղծագործությունների խոշորագույն և Պիկասոյի խեցեգործական աշխատանքների ամենաներկայանալի հավաքածուներից է աշխարհում: 

«Նովոստի-Արմենիա» գործակալությունը լուսաբանել է ցուցահանդեսի նախադիտումը. Ամբողջական հոդվածը կարող եք դիտել  այստեղ:-0-