Հայերը յուրահատուկ կերպով են երախտագիտություն հայտնել Հռոմի պապին Ցեղասպանության հարցում ունեցած դիրքորոշման համար (ՏԵՍԱՆՅՈՒԹ)

ԵՐԵՎԱՆ, 27 նոյեմբերի. /Նովոստի–Արմենիա/. Հայ երիտասարդ երաժիշտները շնորհակալություն են հայտնել Հռոմի Ֆրանցիսկոս պապին Հայոց ցեղասպանության հարցում ունեցած դիրքորոշման համար պոնտիֆիկոսին նվիրված «Dedication to the Pope Francis. Panis Angelicus» տեսահոլովակով։

Տեսահոլովակը նկարահանել է Վրաստանի կաթոլիկ երիտասարդությունը Կովկասի առաքելական ղեկավարության քահանայապետ Ջուզեպե եպիսկոպոս Պազոտոն։

Նախագծի հեղինակ և կազմակերպիչ, մենակատար Վիկտորիա Մակսոևայի խոսքով, հոլովակ նկարահանելու գաղափարը ծնվել է Ֆրանցիսկոս պապի հետ ծանոթության առաջին իսկ րոպեներից, նշվում է «Նովոստի–Արմենիա» գործակալությունում ստացված հաղորդագրությունում։

Հոլովակում ներգրավված են տարբեր ազգությունների երաժիշտներ, սակայն մեծամասնությունը հայեր են։ Իրենց արվեստով երիտասարդ երաժիշտները ցանկացել են երախտագիտություն հայտնել Հռոմի Ֆրանցիսկոս պապին Հայոց ցեղասպանության վերաբերյալ ունեցած դիրքորոշման համար։

Creative Georgia News մեդիառեսուրսի ֆինանսական աջակցությամբ թողարկվել է նաև «Dedication to the Pope Francis. Panis Angelicus» ձայնասկավառակը, որը փոխանցվել է Վատիկանի մի քանի կարդինալների և կհանձնվի Ֆրանցիսկոս պապին։


Տեսահոլովակի վր աշխատել են` մենակատարներ Վիկտորի Մակսոևան, Մերաբ Մեուրմիշվիլին, գործիքավորողներ` Դավիթ Հակոբյանը, Սենդի Վարտանովան, Մարիա Գայդաշովան, Միլենա Ջալալբեկովան, Գիրգի Վարտանովը, Կարինա Մարիմիկոյանը։

Մենակատարները, ովքեր պրոֆեսիոնալ վոկալիստներ չեն, խորհրդակցել են Թբիլիսիի պետական կոնսերվատորիայի պրոֆեսոր Վիլլի Գրիգորյանի, Թբիլիսիի օպերայի և բալետի պետական թատրոնի մենակատար Մարիցա Մաղլափերիձեի հետ։ Տեսահոլովակի օպերատորն ու հեղինակը Վրաստանի երիտասարդական կինոփառատոնի դափնեկիր Օտար Մղեբրիշվիլին է, տեսահոլովակի աուդիոտարբեակը ձայնագրվել է Ռուսթավելու անվան թատրոնի ստուդիայում Թեյմուրազ Նիկոլաիշվիլու կողմից։

2015 թվականի ապրիլին Վատիկանում պատարագ է մատուցվել Հայոց ցեղասխանության 100–րդ տարելիցի կապակցությամբ։ Հռոմի Ֆրանսիցկոս պապը հայտարարել է, որ 20–րդ դարում մարդկությունը վերապրել է «երեք մեծ անլսելի ողբերգություն»` հայոց ցեղասպանությունը, նացիզմը և ստալինիզմը։ Պոնտիֆիկոսը նախորդ դարի սկզբին հայերի, սիրիացի կաթոլիկների և ուղղափառների, ասորիների և հույների տարած տառապանքները բնութագրել է որպես «20–րդ դարի առաջին ցեղասպանություն»։ -0-