Gangnam Style–ի հեղինակը երկու նոր տեսահոլովակ է թողարկել (ՏԵՍԱՆՅՈՒԹ)

ԵՐԵՎԱՆ, 10 մայիսի. /Նովոստի–Արմենիա/. Հարավկորեացի PSY–ը` Gangnam Style հիթի հեղինակը, երկու նոր տեսահոլովակ է թողարկել։

Տեսահոլովակները հրապարակվել են կատարողի YouTube-ի ալիքում չորեքշաբթի` մայիսի 10–ին, գրում է Lenta.ru–ն։



Առաջին երգը կոչվում է I LUV IT. Տեսահոլովակում նկարահանվել է ճապոնացի երաժիշտ, Pen-Pineapple-Apple-Pen երգի հեղինակ Պիկո Տարոն։

Երկրորդ տեսահոլովակը New Face կոմպոզիցիան է։ Երկու հոլովակները գրեթե մեկ օրվա ընթացքում շուրջ 500 հազարական դիտումներ են հավաքել։



Երկու թրեքերն ընդգրկվել են կատարողի 4x2=8 նոր ալբոմում։

PSY–ը լայն ճանաչում ձեռք բերեց 2012 թվականին Gangnam Style երգից հետո։ Նրա երկրորդ տեսահոլովակը`Gentleman–ը, հատեց 1 միլիարդ դիտումների սահմանը։ -0-