«Դեպի Եվրատեսիլ» մեգանախագիծն է մեկնարկում Հայաստանի հեռուստաընկերությունում հոկտեմբերի 1–ից

ԵՐԵՎԱՆ, 15 սեպտեմբերի. /Նովոստի-Արմենիա/. «Դեպի Եվրատեսիլ» երաժշտական նոր մեգանախագծի նկարահանումներն են մեկնարկել Հայաստանում, հայտնում է Հանրային հեռուստաընկերության մամուլի ծառայությունը։

«Հենց մեր բեմից նախագծի մասնակիցները կկարողանան առաջին քայլերը կատարել դեպի «Եվրատեսիլ 2017» երգի միջազգային մրցույթ և այնտեղ ներկայացնել Հայաստանը»,– ասվում է հաղորդման մեջ։

Ինչպես նշեց «Եվրատեսիլի» հայկական պատվիրակության ղեկավար Գոհար Գասպարյանը, նախագիծը թույլ կտա նույնիսկ անհայտ երաժիշտներին ճանաչում ստանալ և կարիերա սկսել։

«Հանրային հեռուստաընկերության հեռուստադիտողները կկարողանան նոր մեգանախագծին հետևել հոկտեմբերի 1–ից»,– ասվում է հաղորդման մեջ։

Ժյուրիի կազմում են Հայաստանը նախորդ տարիներին «Եվրատեսիլում» ներկայացրած վեց երգիչ–երգչուհիներ` Իվետա Մուկուչյանը, Արամ MP3–ն, Ինգա Արշակյանը, Անուշ Արշակյանը, Հայկոն և Եսայի Ալթունյանը։

Ժյուրի անդամներից մեկի` Հայկոյի կարծիքով, նախագիծը նման է երազանքի, իսկ Ինգա Արշակյանը կարծում է, որ նախագիծը մեծ հնարավորություններ է բացում երիտասարդ կատարողների համար։

Մրցույթը բաղկացած կլինի չորս փուլերից և կտևի մոտ երեք ամիս։ Մրցույթի հաղթողը հնարավորություն կունենա մասնակցել «Եվրատեսիլ 2017» մրցույթին։

Հաղթողը կորոշի ժյուրին և հեռուստադիտողների կարճ հաղորդագրությունները։

Հայաստանը «Եվրատեսիլ» մրցույթին մասնակցում է 2006 թվականից։ Լավագույն արդյունքը` չորրորդ տեղը, ցույց են տվել` Սիրոշն 2008 թվականին և Արամ MP3–ը 2014 թվականին։ -0-