Ինտերնետային քվեարկության միջոցով կորոշվի, թե ով է արժանանալու Արամ Խաչատրյանի անվան փառատոնի հանդիսատեսի համակրանքին

ԵՐԵՎԱՆ, 11 հունիսի./Նովոստի–Արմենիա/. Երևանում Արամ Խաչատրյանի անվան 11-րդ միջազգային փառատոնի հանդիսատեսի համակրանքի մրցանակակիրը կորոշվի ինտերնետային քվեարկության միջոցով, հայտնում են փառատոնի կազմակերպիչները։

Հաղորդագրության համաձայն, մի քանի օրվա ընթացքում հնարավորություն կտրվի քվեարկելու փառատոնի եզրափակիչ փուլ անցած 5 մասնակիցներից մեկ համար։

Քվեարկել կարելի է մինչև հունիսի 14–ը փառատոնի պաշտոնական կայքում`www.akic.am , «Մասնակիցներ» բաժնում։

Մրցույթին մասնակցում է 25 երիտասարդ ջութակահար` 16 երկրից, այդ թվում` Հայաստանից, Ռուսաստանից, Ավստրիայից, Կորեայից, Ճապոնիայից, Սերբիայից, Էստոնիայից, Վենեսուելայից, Ղազախստանից։

Արամ Խաչատրյանի անվան միջազգային մրցույթն անցկացվում է ՀՀ մշակույթի նախարարության, «Արամ Խաչատրյան-մրցույթ» մշակութային հիմնադրամի և Երևանի Կոմիտասի անվան պետական կոնսերվատորիայի համատեղ ջանքերի շնորհիվ և անցկացվում է ՀՀ առաջին տիկին Ռիտա Սարգսյանի բարձր հովանու ներքո, ով մրցույթի հոգաբարձուների խորհրդի պատվավոր նախագահն է։-0-