«Իմ ընկերը հրեշտակ է» ֆիլմը, որը նկարահանվել է ֆորսմաժորային պայմաններում՝ սարսափելի ցրտի ժամանակ, սկայպով և հրեշտակի կերպարի մեջ դժվարությամբ մտնող դերասանի հետ, կդառնա թեթև ամանորյա կինոպատմություն, լրագրողներին երեքշաբթի խոստացել է ֆիլմի հեղինակ, ռեժիսոր Վերա Ստորոժևան:
«Փոխհատուցում» և «Երկինք: Ինքնաթիռ. Աղջիկ» ֆիլմերի ռեժիսոր Ստորոժևայի նոր ֆիլմը վարձույթում կհայտնվի հունվարի 3-ին, այն պատմում է ամանորյա գիշերվա հրաշքների մասին, թե ինչպես է մի երիտասարդ աղջիկ պատուհանից ընկնում հրեշտակի ձեռքերի մեջ և նրա հետ անցկացնում մեկ օր, որի ավարտին մի քիչ հրեշտակ է դառնում, իսկ հրեշտակը՝ մի քիչ մարդ, վերջում ավիավթար տեղի չի ունենում, իսկ աֆրոամերիկացուն ծեծի ենթարկած ավազակի մաշկը հանկարծ մգանում է:
Ինչպես պատմել է հեղինակը, ժապավենի նկարահանումները սկսվել են այս տարվա հունվարին, անցել են Պոդմոսկովիեում և Մոսկվայի կենտրոնում՝ սարսափելի ցրտի պայմաններում, իսկ ինքը՝ ռեժիսորը, թոքաբորբով հիվանդ լինելով, առաջին երեք օրը նկարահանումներն իրականացրել է սկայպով՝ ինտերնտետով ղեկավարելով գործընթացը:
«Սա շրջանակային կոմպոզիցիայով բավականին թեթև մի պատմություն է, երբ ֆիլմը սկսվում է գլխավոր հերոսների հանդիպումով և ավարտվում է նույն կերպ: Ֆիլմը թեթև է դիտվում, թեև ինձ համար այն ամենաբարդը դարձավ»,- ասել է Ստորոժևան՝ նշելով, որ չի ձգտել հոլիվուդյան ֆիլմ նկարահանել, այլ ավելի ճիշտ, ռուսական, հաղորդում է ՌԻԱ Նովոստին: -0-
