ԵՐԵՎԱՆ, 24 հոկտեմբերի. /Նովոստի-Արմենիա/. Արտիստ Ալեքսանդր Կալյագինը Մոսկվայում տեղի ունեցած ՌԴ Թատերական գործիչների միության (ԹԳՄ) համագումարի ժամանակ վերընտրվել է ԹԳՄ-ի նախագահի պաշտոնում, հաղորդում է «ՌԻԱ Նովոստիի» թղթակիցը:
Կալյագինն առաջին անգամ ընտրվել է նախագահի պաշտոնում 1996 թ.-ին կայացած ՌԴ ԹԳՄ-ի 3-րդ համագումարի ժամանակ: Կալյագինի խոսքերով՝ այդ ժամանակաշրջանի ընթացքում նա հասցրել է մտերմանալ միության հետ, որտեղ բոլորը նրան հարազատ են դարձել:
ՌԴ ԹԳՄ-ի կանոնների համաձայն՝ լեգիտիմ քվեարկության համար երկրորդ թեկնածու է հարկավոր, որը դահլիճում չի գտնվել, այդ պատճառով միության փոխնախագահ Գենադի Սմիռնովը ընթացակարգը պահպանելու համար ստիպված է եղել առաջադրել սեփական թեկնածությունը: «Հուսով եմ, որ բոլորը ճիշտ ընտրություն կանեն, հակառակ դեպքում ես անհարմար կզգամ շարունակելու աշխատանքս Կալյագինի հետ», - ներկա գտնվողներին դիմել է Սմիռնովը:
Սակայն պատվիրակներն ավելորդ տեղը չեն բարդացրել իրավիճակը և գրեթե միաձայն ընտրել են Կալյագինին՝ 156 պատվիրակ 11-ի դեմ:
Համագումարի աշխատանքներին մասնակցում է միության 75 մարզային ստորաբաժանումները ներկայացնող 174 պատվիրակ, այդ թվում նաև Մոսկվայի թատերական արվեստի 55 գործիչ:-0-
