Կուբանում առաջին անգամ Հայկական կինոյի օրեր կանցկացվեն

Սեպտեմբերի 19-22-ը Կրասնոդարի երկրամասի Կրասնոդարյե, Արմավիր և Կրիմսկի քաղաքներում առաջին անգամ հայկական կինոյի օրեր կանցկացվեն, երեքշաբթի տեղեկացրել է տարածաշրջանի մշակույթի դեպարտամենտի մամուլի ծառայությունը։

«Այս օրերին Կուբանի երեք քաղաքների բնակիչները կարող են դիտել հայկական այնպիսի ֆիլմեր, ինչպիսիք են «Լռության սիմֆոնիան», «Հույս, Հավատ, Սեր», «Հրաշագործի աշունը» (Տոնինո Գուերայի մասին), «Պոետի վերադարձը», «Քրմուհին», ինչպես նաև առանց թարգմանության հայկական մուլտֆիլմեր», - ասվում է դեպարտամենտի տեղեկատվության մեջ, հաղորդում է «ՌԻԱ Նովոստին»։

Մամուլի ծառայությունը նշել է, որ Կուբան կայցելեն հայ դերասան, ռեժիսոր և սցենարիստ Վիգեն Չալդրանյանն ու դերասան Միքայել Պողոսյանը։

«Նրանք կայցելեն Կրասնոդար, Արմավիր և Կրիմսկ ու այս քաղաքների բնակիչներին կծանոթացնեն Հայաստանի կինոմատոգրաֆիստների արվեստի հետ», - պարզաբանել է մամուլի ծառայությունը։

Կուբանի կինոթատրոններում, որտեղ կանցկացվի «Օրերի» ծրագիրը, կհնչի հայկական երաժշտություն և կանցկացվեն հայկական խոհանոցի ճաշատեսակների ցուցահանդես-համտեսումներ և հայկական ժողովրդական-կիրառական արվեստի ցուցահանդեսներ, ավելացրել է մամուլի ծառայությունը։-0-