Հայաստանում ապրիլի 14-ին մեկնարկում է Յոթերորդ ազգային գրադարանային շաբաթը
Ապրիլի 14-21-ը նշանակված Յոթերորդ ազգային գրադարանային շաբաթի շրջանակներում՝ Հայաստանում կանցկացվեն մի շարք միջոցառումներ, տեղեկացրեց Հայկական գրադարանային ասոցիացիայի նախագահ Դավիթ Սարգսյանը։
«Մենք մտադիր ենք բարձրացնել գրադարանային գործի խնդիրը և ներկայացնել այն ոչ միայն պետական կառույցներին, այլ նաև արվեստի և գրականության գործիչներին», - Երևանում ուրբաթ ասաց Սարգսյանը լրագրողներին»
Նա նաև տեղեկացրեց, որ այս անգամ շաբաթը կանցնի «Գրադարան՝ իմացության շաբաթ» նշանաբանի ներքո։
«Գրադարանը ոչ միայն իմացության օջախ է, այլ նաև քննարկումների, հանդիպումների կենտրոն, որտեղ հավաքվում են տարբեր մասնագիտության տեր մարդիկ», - ավելացրեց Սարգսյանը։
Հայաստանի ազգային գրադարանի տնօրենի տեղակալ Ռաֆիկ Ղազարյանն իր հերթին տեղեկացրեց, որ միջոցառումներ են կազմակերպվելու երկրի բոլոր գրադարաններում։
«Շաբաթվա յոթ օրերից յուրաքանչյուրը նվիրվելու է մեկ կոնկրետ թեմայի և հագեցված է լինելու տարբեր միջոցառումներով», - ավելացրեց նա։
Ղազարյանի խոսքերով, շաբաթվա շրջանակներում առանձնահատուկ ուշադրության է արժանանալու մայրենի լեզուն, որի նպատակով կանցկացվի դպրոցական շարադրությունների երրորդ ամենամյա մրցույթը։
«Իրենց շարադրություններում դպրոցականները կիսվում են մեզ հետ իրենց գրքային նախապատվություններով, պատմում են իրենց սիրելի հերոսների մասին, ինչպես նաև բարձրացնում են գրադարանային գործի հրատապ խնդիրները», - ասաց նա։
Բացի դրանից, Ղազարյանը ավելացրեց, որ շաբաթվա շրջանակներում Ասոցիացիայի անդամները կայցելեն երկրի տարբեր մարզեր, գրքեր կնվիրեն մարզերի գրադարաններին։
Յոթերորդ ազգային գրադարանային շաբաթվա նախաձեռնող ու կազմակերպիչն է Հայկական գրադարանային ասոցիացիան։
Այսօր Հայաստանում գործում է 1042 գրադարան։-0-
