ԵՐԵՎԱՆ, 12 հուլիսի. /Նովոստի-Արմենիա/. Երևանում հայտարարվել են «Ոսկե ծիրան» միջազգային կինոփառատոնի շրջանակներում անցկացված «Ռեժոսորներ առանց սահմանների» սեմինարի հաղթողները։
Հաղթող են ճանաչվել «Ամպամած երկնքի ափին» (Քեթևան Գուջաբիձե, Վրաստան) և «Երկու վերջին լարագնացները» (Իննա Սահակյան, Հայաստան) ֆիլմերի նախագծերը։ ՀՀ մշակույթի նախարարության և Ազգային կինոկենտրոնի հատուկ խրախուսանքի են արժանացել «Ես պատրաստվում եմ փոխել անունս» (Մարիա Սահակյան, Ռուսաստան) և «Տնից շինված տունը» (Սեդա Մուրադյան, Հայաստան) ֆիլմերի նախագծերը։ Հաղթողները ստացել են 5 հազ. ԱՄՆ դոլար դրամաշնորհ։
Ինչպես հայտարարեց «Ոսկե ծիրան» փառատոնի տնօրեն, ռեժիսոր Հարություն Խաչատրյանը, տվյալ սեմինարը, ի շարս այլոց, նաև հայրենի կինոարտադրության զարգացումը խթանող լուրջ նախագիծ է։ Նրա խոսքերով սեմինարը հիմք կդնի հետագա տարածաշրջանային համագործակցության համար։
Հայաստանի ազգային կինոկենտրոնի տնօրեն Գևորգ Գևորգյանը ողջունել է սեմիանարի անցկացման գաղափարը։
«Սեմինարը կինոգործիչների համար, հատկապես՝ երիտասարդների, նախագծերի ստեղծման և զարգացման գործընթացներին ծանոթանալու հնարավորություն է ընձեռում»,- ասել նա։
«Ոսկե ծիրան» միջազգային կինոփառատոնի շրջանակներում «Ռեժիսորներ առանց սահմանների» սեմիանրը մեկնարկել էր երեքշաբթի՝ փառատոնի բացման հաջորդ օրը։
Սեմինարին մասնակցել են Հայաստանից, Վրաստանից, Ռուսաստանից, Թուրքիայից, Ադրբեջանից, Սերբիայից, Ռումինիայից և Իրանից ներկայացված վավերագրական և խաղարկային փոքրաբյուջե 12 ֆիլմերի նախագծեր։
Առաջին անգամ «Ոոսկե ծիրան» միջազգային կինոփառատոնը Երևանում անցկացվեց 2004-ի հունիսի 30-ից հուլիսի 4-ը։ Ներկայում փառատոնը տարածաշրջանում ամենից հարգիներից է և արժանացել է համաշխարհային կինեմատոգրաֆի վարպետների բարձր գնահատանքին։--0—
