Արցախի ՈՒՀԱ թիմն անցել է Մոսկվայի և Մերձմոսկվայի կենտրոնական լիգա

ԵՐԵՎԱՆ, 19 փետրվարի. /Նովոստի-Արմենիա/. Արցախի «Հարսանիքը լեռներում» ՈՒՀԱ թիմը հերթական հաջողության է հասել ՈՒՀԱ Մոսկվայի և Մերձմոսկվայի լիգաների փառատոնում, Facebook-ի իր էջում գրել է աևցախցի ՈՒՀԱ մասնակից Գեորգի Ավետիսյանը:

««Հարսանիքը լեռներում» ՈՒՀԱ թիմը (որն ավելի վաղ կոչվում էր «Հաց ու աղով») անցել է Մոսկվայի և Մերձմոսկվայի կենտրոնական լիգա»,- գրել է Ավետիսյանը:

Մոսկվայի և Մերձմոսկվայի կենտրոնական լիգա է անցել նաև Երևանի հավաքականը:

Արցախցի ՈՒՀԱ մասնակիցների ելույթը «ԿիՎիՆ 2017» 28-րդ միջազգային փառատոնում Բաքվի բացասական արձագանքի պատճառ էր դարձել: Ադրբեջանական ԶԼՄ-ները տեղեկատվական ակտիվ արշավ էին սկսել՝ մեղադրելով միջոցառման կազմակերպիչներին Ադրբեջանի դեմ հերթական սադրանքի մեջ: -0-