Հայտնի է BAFTA բրիտանական մրցանակաբաշխության «հաղթահերոս» ֆիլմը
ԵՐԵՎԱՆ, 15 փետրվարի. /Նովոստի–Արմենիա/. Լոնդոնում փետրվարի 14–ին տեղի է ունեցել համաշխարհային և բրիտանական կինեմատոգրաֆի ամենակարևոր մրցանակաբաշխություններից մեկը` BAFTA–ն, հաղորդում է Spletnik.ru–ն։
Այս տարի BAFTA մրցանակաբաշխությունը կազմակերպվեց Սուրբ Վալենտինի օրը, ինչի մասին կատակով հիշեց գրող և դերասան Սթիվեն Ֆրայը։
«Ուրախալի է, որ BAFTA–ն այս տարի անցկացվում է Սիրահարների օրը, քանի որ ֆիլմերի մեծ մասն այս տարի պատմում է սիրո մասին։ «Քերոլը» պատմություն է երկու կանանց սիրո մասին...Եվս մի ֆիլմ պատմում է հոգևորականների...և նրանց փաստաբանների սիրավեպի մասին», – ասել է Ֆրայը։
Ռեժիսոր Ալեխանդրո Գոնսալես Ինյարիտուի «Ողջ մնացածը» ֆիլմը դարձավ մրցանաբաշխության «հաղթահերոսը»։ Ֆիլմն արժանացավ մրցանակների ութ անվանակարգերից հինգում։
Մրցանակաբաշխության ժամանակ հավաքվածները մեկ րոպե լռությամբ հարգեցին կյանքից հեռացած իրենց գործընկերների հիշատակը (Ալան Ռիքման, Ուես Քրեյվեն, Դևիդ Բոուի, Օմար Շարիֆ, Քրիստոֆեր Լի և ուրիշներ)։
Այս տարի Բրիտանական ակադեմիայի պատվավոր անդամն էր Սիդնի Պուատիեն։ 88–ամյա ռեժիսորը, դերասանը և դիվանագետը հավաքվածներին հասցեագրված տեսաուղերձում շնորհակալություն հայտնեց ակադեմիկոսներին։ Այդ պահին նրա կողքին էին դստրերից մեկն ու դերասան Ջեյմի Ֆոքսը։
Եվ, այսպես, BAFTA-2016–ի մրցանակակիրների ցանկը.
Լավագույն ֆիլմ – «Ողջ մնացածը» (The Revenant)
Լավագույն դերասան – Լեոնարդո ԴիԿապրիո («Ողջ մնացածը»)
Լավագույն դերասանուհի – Բրի Լարսոն («Սենյակ» Room)
Երկրորդ պլանի լավագույն դերասան – Մարկ Ռայլենս («Լրտեսական կամուրջ»)
Երկրորդ պլանի լավագույն դերասանուհի – Քեյթ Ուինսլեթ («Սթիվ Ջոբս»)
Լավագույն ռեժիսոր – Ալեխանդրո Գոնսալես Ինյարիտու («Ողջ մնացածը»)
Լավագույն բրիտանական ֆիլմ – «Բրուքլին» (Brooklyn)
Լավագույն օպերատորական աշխատանք – Էմմանուել Լյուբեցկի («Ողջ մնացածը»)
Լավագույն օրիգինալ սցենար - «Ուշադրության կենտրոնում» (Spotlight)
Լավագույն օտարալեզու ֆիլմ – «Վայրի պատմություններ»
Լավագույն անիմացիոն ֆիլմ – «Գլուխկոտրուկ»
Տարվա հայտնություն (The EE Rising Star Award, որոշվում է հանդիսատեսի քվեարկությամբ) – Ջոն Բոյեգա
Նշանավոր դեբյուտ – «Հպարտություն» (THEEB)
Լավագույն make-up և սանրվածքներ – «Խենթ Մաքսը. զայրույթի ճանապարհը»
Լավագույն վավերագրական ֆիլմ – «Էմի»
Բրիտանական կինեմատոգրաֆում կատարած մեծ ներդրում – «Angels» (ընկերություն, որը կոստյումներ է ստեղծում բրիտանացի կինեմատոգրաֆիստների համար)
Ֆիլմի լավագույն երաժշտություն– «Անտանելի ութնյակ»
Լավագույն հատուկ էֆեկտներ – «Աստղային պատերազմներ. ուժի զարթոնքը»
Ձայնային ռեժիսորի լավագույն աշխատանք – «Ողջ մնացածը»
Լավագույն մոնտաժ – «Խենթ Մաքսը. զայրույթի ճանապարհը»
Լավագույն կոստյումներ – «Խենթ Մաքսը. զայրույթի ճանապարհը»
Լավագույն ադապտացված սցենար – «Իջեցման խաղ» –0–
