ԵՐԵՎԱՆ, 26 նոյեմբերի./Նովոստի–Արմենիա/. Հայաստանը զբաղեցրեց 6–րդ տեղը «Մանկական Եվրատեսիլ 2017»–ում։
Մեր երկիրը փայլուն ներկայացրեց 9–ամյա Միշան (Միքայել Գրիգորյան)` կատարելով «Բումերանգ» երգը։
Նոր կանոնների համաձայն, մրցույթի մասնակից երկիրը կարող էր մասնակցել առցանց քվեարկությանն ու քվեարկել սեփական պատվիրակի օգտին։ Հեռուստադիտողների ձայները վերածվեցին միավորների, որոնք դարձան մրցույթի արդյունքների մի մասը, մյուս մասը ձևավորվեց ժյուրիի գնահատականների արդյունքում։ Հաղթող ճանաչվեց առավել թվով միավորներ հավաքած մասնակիցը։ Ցավոք, տեխնիկական խնդիրների պատճառով Հայաստանը չկարողացավ մասնակցել 15 րոպե տևողությամբ առցանց քվեարկությանը։
Հայաստանը ստացավ առավելագույն 12 միավոր Կիպրոսի պրոֆեսիոնալ ժյուրիի կողմից։ Մեր երկրին 10–ական միավոր տվեցին Դոմինիկանան, Ալբանիան , Ուկրաինան, ՌԴ–ն ու Վրաստանը։ Միշան 8 միավոր ստացավ Բելառուսի և Պորտուգալիայի պրոֆեսիոնալ ժյուրիի կողմից, 7` Մալթայից, 3` Մակեդոնիայից և Ավստրալիայից։
Առցանց քվեարկության արդյունքում Հայաստանը զբաղեցրեց 8–րդ հորիզոնականը` հավաքելով 148 միավոր։
Հաղթող ճանաչվեց Ռուսաստանը (188 միավոր), երկրորդը Վրաստանն է (186), երրորդը` Ավստրալիան (172)։
9–ամյա Միշան «Արցախի ձայներ» խմբի անդամ է։ Նախորդ տարի նա ներկայացրել է Հայաստանը «Մանկական նոր ալիք» մրցույթում և զբաղեցրել է 2–րդ հորիզոնականը։
Հայաստանը «Մանկական Եվրատեսիլ» երգի միջազգային մրցույթին մասնակցում է 2007 թվականից: 2010 թ-ին Վլադիմիր Արզումանյանի գրանցած հաղթանակը հնարավորություն ընձեռեց մրցույթը 2011 թվականին հյուրընկալել Հայաստանում:
Մրցույթն անցկացվել է այսօր Թբիլիսիում, որը ներկայացուցիչը հաղթել էր նախորդ տարի։–0–
