Ուսումնասիրություն. հայոց լեզուն հայտնվել է աշխարհի ամենաազդեցիկ լեզուների շարքում

ԵՐԵՎԱՆ, 13 նոյեմբերի. /Նովոստի–Արմենիա/. Հայոց լեզուն ընդգրկվել է աշխարհի ամենաազդեցիկ լեզուների շարքում ըստ Մասաչուսեթսի տեխնոլոգիական ինստիտուտի գիտնականների կատարած հետազոտության։

Հետազոտական խումն անցկացվել է աշխարհի շուրջ հազար լեզուների կիրառման և փոխկապակցվածության համեմատական վերլուծություն։ Հետազոտության առարկա են դարձել վերջին 30 տարիների ընթացքում հրատարակված ավելի քան երկու միլիոն գրքեր, հոդվածների և հեղինակների թվի վերաբերյալ տեղեկություն Վիքիպեդիայում, Twitter–ում գրառումների թիվը և մի շարք այլ պարամետրեր։

Հայոց լեզուն զբաղեցրել է գրքերի թարգմանության ցուցանիշով 48–րդ տեղը, 59–րդը` Վիքիպեդիայում ունեցած հեղինակությամբ, 57–րդը` Twitter–ում։

Ուսումնասիրության տվյալնեևով, հայող լեզվի կրողների թիվը վեց միլիոն է, հաշվետու ժամանակահատվածում հայերենից թարգմանվել է 1100 գիրք, հայերեն` 2139։ Ընդ որում` հայոց լեզվով տեղեկությունը թարգմանվում է, որպես կանոն, ռուսերեն և անգլերեն աղբյուրներից։

Իրենց ազդեցությամբ առաջատար են դարձել անգլերենը, ֆրանսերենը, գերմաներենը, իտալերենը և ռուսաց լեզուն։ Տասնյակը եզրափակում են իսպաներենը, ճապոներենը, հոլանդերենը, լատիներենը և շվեդերենը։ -0-