Բելառուսի նախագահ Ալեքսանդր Լուկաշենկոյի՝ նախագահի պաշտոնը ստանձնելու արարողությունը տեղի կունենա ուրբաթ Հանրապետության պալատում, հաղորդում է «ՌԻԱ Նովոստին»:
Լուկաշենկոն արդեն չորրորդ անգամ կստանձնի նախագահի պաշտոնը: Նա Բելառուսի նախագահ է ընտրվել 1994, 2001, 2006 և 2010 թվականներին: Լուկաշենկոն Բելառուսի առաջին և դեռևս միակ նախագահն է:
Նախորդ տարվա դեկտեմբերի 19-ին կայացած ընտրությունների արդյունքում Լուկաշենկոյի օգտին քվեարկել է քվեարկությանը մասնակացած ընտրողների 79,65 տոկոսը: ԿԸՀ-ի տվյալների համաձայն՝ ընտրողների մասնակցությունը կազմել է 90,65 տոկոս:
Նախագահի երդմնակալության արարողությունը հեռարձակվելու է Բելառուսի բոլոր հեռուստաալիքներով:
Արարողությանը մասնակցելու հրավեր չեն ստացել հարևան պետությունների ղեկավարները: Դա նախատեսված չէ պետական արարողակարգով: Այնուամենայնիվ, Եվրամիության երկրների՝ Մինսկում հավատարմագրված դեսպանները ևս երդմնակալության արարողությանը չեն մասնակցի: ԵՄ օտարերկրյա հարցերի և անվտանգության քաղաքականության գերագույն ներկայացուցչի մամուլի քարտուղար Քեթրին Էշտոն Մայա Կոսյնչիչը հինգշաբթի հաստատել է, որ Բելառուսում ԵՄ երկրների դեսպանները չեն մասնակցի նախագահ Լուկաշենկոյի երդմնակալության արարողությանը՝ ի նշան բողոքի: ԵՄ-ի կարծիքով՝ ընտրությունները կեղծված են և ընդդիմության ու քաղաքացիական հասարակության նկատմամբ ճնշում է գործադրվել:-0-
