Պուտինը կինոթատրոններում էլեկտրոնային տոմս ներդնելու մասին որոշում է ստորագրել
ԵՐԵՎԱՆ, 22 հոկտեմբերի. /Նովոստի-Արմենիա/. ՌԴ վարչապետ Վլադիմիր Պուտինը կինոդահլիճներում ֆիլմերի ցուցադրման մասին տեղեկատվության դաշնային ավոտմատացված ինֆորմացիոն համարկարգ կամ «միասնական տոմս» ներդնելու մասին որոշում է ստորագրել, հաղորդում է «ՌԻԱ Նովոստին»:
Ըստ փաստաթղթի՝ ֆիլմ ցուցադրողը պարտավոր է միասնական ինֆորմացիոն համակարգ ներկայացնել «տեղեկատվություն կինոսեանսի ամեն վաճառված տոմսի մասին, տեղեկատվությունը պետք է ներառի ցուցադրվող ֆիլմը, ցուցադրողի անվանումը, ցուցադրվող ֆիլմի անվանումը, կինոդահլիճի համարը, ցուցադրման օրը և ցուցադրման սկսզբի ժամը, շարքի և աթոռի համարը, տոմսի արժեքը, տեղեկատվություն տոմսի զեղչի մասին»:
Համակարգի և կինոթատրոնների միջև տեղեկատվության փոխանակումը պետք է տեղի կունենա ոչ պակաս, քան ժամը մեկ: Դա թույլ կտա վերահսկող մարմնին (Մշակույթի նախարարությանը) և վարձույթով զբաղվողներին օն-լայն ռեժիմում մանրամասն ու հրատապ տեղեկատվություն ստանալ ամեն ֆիլմի հավաքած գումարի մասին:
Որոշման մեջ նշված չէ, թե երբ է սկսելու գործել այդ համակարգը:-0-
