Տաջիկստանն անասունի, մսի, կարտոֆիլի, բրդի և մետաղների արտահանման արգելք է մտցնում
ԵՐԵՎԱՆ, 11 հոկտեմբերի. /Նովոստի-Արմենիա/. Տաջիկստանի նախագահ Էմոմալի Ռահմոնն անասունի, մսի, կարտոֆիլի, բրդի և մետաղների արտահանման արգելք է մտցրել, երկուշաբթի ՌԻԱ Նովոստիին է հայտնել երկրի ղեկավարի մամուլի ծառայությունը:
«Արգելքը մտցվում է հայրենական արտադրության աճի պայմաններն ապահովելու և հանրապետությունում պարենամթերքի գները կարգավորելու համար»,- ասել է աղբյուրը։
Գործակալության զրուցակցի տվյալներով, այս որոշումն ընդունվել է երկուշաբթի Տաջիկստանի նախագահի կողմից անցկացված աշխատանքային խորհրդակցության ընթացքում։ Խորհրդակցությանը քննարկվել են երկրի սոցիալ-տնտեսական զարգացման արդյունքներն ընթացիկ տարվա հունվա-սեպտեմբերի ընթացքում և նախապատրաստումը 2010-2011 թվականների աշուն-ձմեռ ժամանակահատվածին։
Խորհրդակցության ընթացքում նշվել է նաև, որ ՀՆԱ աճը հունվար-սեպտեմբերին կազմել է 6,2 տոկոս, գնաճը՝ 6,37 տոկոս (8 տոկոսանոց տարեկան կանխատեսման դեպքում), արդյունաբերական արտադրանքի արտադրությունն աճել է 10,6 տոկոսով, գյուղատնտեսական արտադրանքինը՝ 7,1 տոկոսով։ -0-
