Բելառուսի նախագահ Ալեքսանդր Լուկաշենկոն հայտարարում է, որ «Գազպրոմի» և Բելառուսի միջև վառելիքի մատակարարման պարտքերի հետ կապված վեճը վերաճում է «գազային պատերազմի»:
«Ցանկանում եմ ձեզ տեղեկացնել այն հակամարտության մասին, որը, ցավոք, վերաճում է գազային պատերազմի «Գազպրոմի» և Բելառուսի միջև», - ասել է Լուկաշենկոն` երեշքաբթի բացելով ՌԴ ԱԳ նախարար Սերգեյ Լավրովի հետ հանդիպումը:
Բելառուսը 2010 թվականի սկզբից գազի դիմաց Ռուսաստանին վճարում է ոչ թե ըստ պայմանագրի, այլ նրա կողմից միակողմանի կերպով սահմանված գնով, ինչի հետևանքով այդ երկիրը արդեն շուրջ 200 միլիոն դոլար է պարտք:
Ռուսական կողմը նախօրոք զգուշացրել էր բելառուսական կողմին, որ մինչև հունիսի 21-ը իրավիճակը չկարգավորելու դեպքում գազի մատակարարումը կարող է սահմանափակվել: Բելառուսը գազի դիմաց պարտքը չի վճարել, և «Գազպրոմը» երկուշաբթի Մոսկվայի ժամանակով ժամը 10:00-ին (Երևանի ժամանակով 11:00-ին) գազի մատակարարման սահմափակումներ է մտցրել:-0-
