2014 թ.-ի օլիմպիական խաղերի տարբերանշանը պաշտոնապես ներկայացվել է Մոսկվայում

«Սոչի-2014» կազմկոմիտեի նախագահ Դմիտրի Չեռիշենկոն երեքշաբթի Մոսկվայում տեղի ունեցած մամուլի ասուլիսի ժամանակ պաշտոնապես ներկայացրել է Ռուսաստանի պատմության մեջ առաջին ձմեռային Օլիմպիական խաղերի նոր տարբերանշանը, հաղորդում է «ՌԻԱ Նովոստին»։

Տարբերանշանի վրա Sochi.ru գրությունն է, որի վրա ձախից հայելային կերպով արտացոլվում է 2014 թ.ը, իսկ աջից՝ օլիմպիական օղակները։ Հայելայնությունը խորհրդանշում է Սոչիի երկվությունը, որտեղ ծովի տաք ափի հարևանությամբ բարձրադիր ձյունե գագաթներն են։ Երկվությունն արտացոլված է նաև տարբերանշանի հիմնական գույներում՝ ծովի կապույտում և ձմեռվա ձյունաճերմակում։ Սոչիի խաղերի կարգախոսն է՝ Gateway to the Future։Չեռնիշենկոն նշեց, որ խորհրդանիշը վերջնական տեսքի բերված չէ, այն դեռ կարող է փոփոխվել ու լրացվել։ -0-