Ղրղզստանում անցկացվող ՀԱՊԿ նախագահների ոչ պաշտոնական գագաթնաժողովի հիմնական հարցը կլինի միջազգային անվտանգությունը
Հավաքական անվտանգության պայմանագրի կազմակերպության ոչ պաշտոնական գագաթնաժողովը կանցկացվի հուլիսի 31-ից օգոստոսը 1-ը Իսիկ-Կուլ լճի ափին: Ղրղզստանի ԱԳՆ-ի աղբյուրի տվյալներով՝ գագաթնաժողովին համաձայնել են մասնակցել ՀԱՊԿ բոլոր պետությունների ղեկավարները:
Գագաթնաժողովի ընթացքում նախագահները կարծիքներ կփոխանակեն միջազգային անվտանգության հրատապ հարցերի շուրջ, կքննարկեն կազմակերպության գործունեության որոշ ասպեկտները, նրա արդյունավետության բարձրացումը:
Ենթադրվում է, որ կարծիքներ կփոխանակվեն նաև այլ գլոբալ միջազգային խնդիրների շուրջ, մասնավորապես, եվրոպական անվտանգության ճարտարապեության կատարելագործման, համաշխարհային ֆինանսական ճգնաժամի, վերջինիս հակազդելու միջոցների, ինչպես նաև Աֆղանստանի հետկոնֆլիկտային իրավիճակի շուրջ:
Նիստի օրակարգում ներառված է նաև կազմակերպության երկրների համակարգված տեղեկատվական քաղաքականության ձևավորմանն ուղղված մոտեցումներին և գործնական քայլերին նվիրված ՀԱՊԿ գլխավոր քարտուղար Նիկոլայ Բորդյուժայի զեկույցը:-0-
