Ռուսաստանը միջոցներ կտրամադրի ԱՊՀ տարածքում կրթության զարգացմանը. Լավրով
ԵՐԵՎԱՆ, 18 հունիսի. /Նովոստի-Արմենիա/. Ռուսաստանը մտադիր է զգալի միջոցներ տրամադրել ԱՊՀ տարածքում կրթության զարգացմանը, հինգշաբթի հայտարարեց ՌԴ ԱԳՆ ղեկավար Սերգեյ Լավրովը, տեղեկացնում է ՌԻԱ Նովոստին։
«Ռուսաստանի Դաշնության կառավարության կողմից նախատեսված է Համաշխարհային բանկին զգալի միջոցների տրամադրում բոլորի համար, այդ թվում՝ ԱՊՀ տարածքում կրթության ծրագրի իրականացման նպատակով»,- նշեց Լավրովը՝ հանդես գալով «Միջմշակութային երկխոսությունը՝ ԱՊՀ տարածքում մարդասիրական համագործակցության զարգացման համակարգաստեղծ գործոն» միջազգային համաժողովում։
Իր ելույթում նախարարը նշեց, որ սա առաջին համաժողովն է տվյալ թեմայով ԱՊՀ տարածքում։
Լավրովը հույս հայտնեց, որ համաժողովը կարևոր քայլ կդառնա մարդասիրական համագործակցության ամրապնդման ճանապարհին ԱՊՀ երկրների հետ, ինչպես նաև, որ համաժողովի ընթացքում կքննարկվեն կրթության, գիտության և մարդասիրական համագործակցության հարցեր։
Նախարարը նաև նշեց երիտասարդ սերնդի կարևորությունը Ռուսաստանի և ԱՊՀ երկրների միջև համագործակցության հետագա ամրապնդման հարցում։ -0-
