Լուչեսկուն «Շախտյոր» ֆուտբոլային ակումբի հետ նոր պայմանագիր է կնքել

ԵՐԵՎԱՆ, 18 ապրիլի. /Նովոստի-Արմենիա/. «Շախտյոր» ֆուտբոլային ակումբի գլխավոր մարզիչ Միրչա Լուչեսկուն ուրբաթ նոր պայմանագիր է ստորագրել Դոնեցկի ակումբի հետ, որն ուժի մեջ է մտնում 2009 թվականի ապրիլի 18-ին, հաղորդում է «Շախտյորի» մամուլի ծառայությունը։

«Արդեն կարելի է հայտնել, որ «Շախտյորի» պատմության մեջ ամենահաջողակ մարզիչը «սև-նարնջագույնների» ղեկին է։ Ստորագրվել է երկամյա նոր պայմանագիր, որն ուժի մեջ է մտնում այս տարվա ապրիլի 18-ից»,- ասվում է հաղորդագրությունում։

Պայմանագրի պայմանների մասին առայժմ չի ասվում։

Ավելի վաղ «Շախտյորի» նախագահ Ռինաթ Ահմետովը հայտարարել էր մամուլին թիմի ներկայիս մարզիչ Միրչա Լուչեսկուի հետ պայմանագիրը երկարացնելու իր ցանկության մասին։ Թիմի հետ համաձայնագրի ժամկետը լրացել է մայիսի 16-ին։

«Ես կցանկանայի, որ Միրչան մնար Դոնեցկում և աշխատեր «Շախտյորի» հետ»,- ասաց Ահմետովը «Օլիմպիկ» - «Շախտյոր» խաղից հետո։ -0-